كوپتەي كورىنبەي كەتكەن بۇرىنعى دەنساۋلىق ساقتاۋ ءمينيسترى الەكسەي سوي كوپ الدىندا جىلت ەتتى، - دەپ حابارلايدى Dalanews.kz.
دەنساۋلىق ساقتاۋ مينيسترلىگى القاسىنىڭ ءتورالقاسىندا كوپتەگەن تانىمال ادامدار كوزگە ءتۇستى. بۇل تۋرالى Satzhangram Telegram-ارناسى جازدى. وتىرىستا ق ر پرەمەر-مينيسترىنىڭ ورىنباسارى تامارا دۇيسەنوۆا، دەنساۋلىق ساقتاۋ ءمينيسترى اقمارال ءالنازاروۆادان بولەك بۇرىنعى دەنساۋلىق ساقتاۋ ءمينيسترى الەكسەي سوي، پاۆلودار وبلىسىنىڭ بۇرىنعى اكىمى ءابىلقايىر سقاقوۆ كورىنەدى.
2021 جىلى 20 جەلتوقساندا سوي دەنساۋلىق ساقتاۋ ءمينيسترى قىزمەتىنەن كەتتى. بۇل اقپارات سول كەزدە الەۋمەتتىك جەلىدە قىزۋ تالقىعا ءتۇستى. ويتكەنى سويدىڭ مينيستر بولۋى دا تىنىش وتپەدى. بۇعان دەيىن قازاقستاندىقتار ونىڭ مينيستر رەتىندەگى قىزمەتىن بىرنەشە رەت سىنعا الىپ ءجۇردى.
بۇعان ەكس-مينيستر "مەنى سىناپ جۇرگەندەر نامىسىما تيمەيدى" دەگەن جاۋاپ تا بەرگەن ەدى.
ۆاكسيناسيا ناۋقانى باستالعاندا سوي توقايەۆتان ەسكەرتۋ دە الدى. ال دەنساۋلىق ساقتاۋ مينيسترلىگىنىڭ باسپا ءسوز قىزمەتى وكىلدەرى سوي باسقا قىزمەتكە اۋىسۋىنا بايلانىستى ءوز ەركىمەن قىزمەتىنەن كەتكەنىن حابارلاعان بولاتىن.
سوي جەردە قالمادى. ىلە شالا بەلدى قىزمەتكە ورنالاستى. 2022 جىلعى 31 قازاننان باستاپ قازاقستان رەسپۋبليكاسى پرەزيدەنتى ءىس باسقارماسى مەديسينالىق ورتالىعىنىڭ باسشىسى بولىپ تاعايىندالدى. رەسمي سايتىنداعى مالىمەتكە سۇيەنسەك، ءالى كۇنگە وسى قىزمەتتە وتىر.
