Bul týraly Qazaqstannyń bas memlekettik sanıtar dárigeri Erlan Qıasov jaqynda qol qoıǵan jańa qaýlyda aıtylǵan.
COVID-19-ǵa qarsy vaksınanyń birinshi komponentin alǵan adamdarda Ashyq-ta "jasyl" statýs 21 kún boıy saqtalady. Kúntizbelik 21 kún ótken soń, ekinshi dozany almaǵan jaǵdaıda "jasyl" statýs "kókke" aýystyrylady.
"Al koronavırýsqa qarsy vaksınanyń eki komponentin de saldyrǵan adamdarda "jasyl" statýs bir jyl boıy saqtalady", - delingen qaýlyda.
Koronavırýspen aýyrǵan adamdarda "jasyl" mártebe emdelip shyqqannan keıin sońǵy úsh aı boıy saqtalady.
"Sary" statýsy bar (naýqastarmen baılanysta bolǵan) adamdar vırýs juqtyrǵan adammen baılanysta bolǵan kúnnen bastap kúntizbelik 14 kún ótken soń "kók" túske aýystyrylady.
