بۇل تۋرالى قازاقستاننىڭ باس مەملەكەتتىك سانيتار دارىگەرى ەرلان قياسوۆ جاقىندا قول قويعان جاڭا قاۋلىدا ايتىلعان.
COVID-19-عا قارسى ۆاكسينانىڭ ءبىرىنشى كومپونەنتىن العان ادامداردا Ashyq-تا "جاسىل" ستاتۋس 21 كۇن بويى ساقتالادى. كۇنتىزبەلىك 21 كۇن وتكەن سوڭ، ەكىنشى دوزانى الماعان جاعدايدا "جاسىل" ستاتۋس "كوككە" اۋىستىرىلادى.
"ال كوروناۆيرۋسقا قارسى ۆاكسينانىڭ ەكى كومپونەنتىن دە سالدىرعان ادامداردا "جاسىل" ستاتۋس ءبىر جىل بويى ساقتالادى"، - دەلىنگەن قاۋلىدا.
كوروناۆيرۋسپەن اۋىرعان ادامداردا "جاسىل" مارتەبە ەمدەلىپ شىققاننان كەيىن سوڭعى ءۇش اي بويى ساقتالادى.
"سارى" ستاتۋسى بار (ناۋقاستارمەن بايلانىستا بولعان) ادامدار ۆيرۋس جۇقتىرعان اداممەن بايلانىستا بولعان كۇننەن باستاپ كۇنتىزبەلىك 14 كۇن وتكەن سوڭ "كوك" تۇسكە اۋىستىرىلادى.
