Shymkent qalasynyń tazalyǵyn qamtamasyz etý, turǵyndarda tazalyq mádenıetin qalyptastyrý maqsatynda qala ákimi Murat Áıtenovtiń bastamasymen Polısıa departamenti qyzmetkerlerinen ekopolıseıler qurylǵan bolatyn. Ár aýdanǵa 4 mamannan tartylǵan. Jyl sońyna deıin mamandar sanyn 10-ǵa shyǵarý josparlanýda, – dep habarlaıdy Dalanews.kz Shymkent qalasy ákimdiginiń baspasóz qyzmetine silteme jasap.

Olar «Múldem tózbeýshilik qaǵıdaty» boıynsha árbir quqyq buzýshylyqqa der kezinde den qoıý úshin «ýatsap» jelisi arqyly chattar quryp, oǵan belsendi azamattar, úı turǵyndary men úı tóraıymdaryn, blogerlerdi engizgen. Bul ádis quqyq buzýshylyqtardy anyqtaý, der kezinde tıisti shara qabyldaý baǵytynda oń áserin tıgizýde.

Budan basqa qalada qoǵamdyq tártip pen qaýipsizdikti qamtamasyz etý jáne tazalyqqa baǵyttalǵan «Shymkent-Taza qala» atty aılyq ótkizdi.  İs-shara 26 sáýirden bastap qaıta jalǵasyn tapty.

Atqarylǵan jumystar nátıjesinde tártip saqshylary 4 aıda 13 312 «Múldem tózbeýshilik qaǵıdaty» boıynsha ekologıalyq quqyq buzýshylyq anyqtaǵan. Ákimshilik kodekstiń 434-2 baby (Ortaq paıdalanylatyn oryndardy lastaý) -1927 (2020 j.-1138), 505-bap (abattandyrý qaǵıdalaryn buzý) boıynsha -3661 tulǵaǵa (2020 j.-721) hattama toltyryldy.

Sonymen qatar, Patrúldik polısıa polki qyzmetkerleri jol jabyndysyn lastaǵan 7724 júk kóliginiń júrgizýshisine qatysty ákimshilik sharalar qabyldaǵan.

Osy oraıda, turǵyndardy qoqysty ruqsat etilmegen jerge tastamaýǵa shaqyramyz. «Shymkent – taza qala» statýsyna árbirimiz jaýapty ekenimizdi umytpaıyq!