Ekonomikalyq damýǵa indýstriialdy aimaq erekshe serpin berýde
Búgingi tańda «Qazyǵurt» indýstriialdyq aimaǵy jalpy (13 gektar jerge) 1,9 mlrd. teńge bolatyn 7 jobaǵa jer telimi berilgen. 2018 jyldyń qarasha aiynda «Kórik ShQ» serktestigi quny 589,0 mln. teńge bolatyn «Alkogolsiz tabiǵi shyryn sýsyndar shyǵarý» jobasy iske qosty. Bul joba 20 adamdy turaqty jumyspen qamtyǵanyn aita ketýimiz kerek.
Taǵy 3 joba 2019 jyldarǵa iske qosylady dep josparlanýda. Olar «Asyl bastaý KZ» JShS 602,7 mln. teńgelik «Qurǵaq sút jáne sary mai shyǵarý» jobasy, «Aq-niet 5» ÓK-niń quny 125,0 mln. teńgelik «Temir beton ónimderi» jobasy jáne «KN eksport 777» JShS 112,7 mln. teńgelik «Jihaz shyǵarý» jobasy.
Búginde Qazyǵurt aýdanynda shaǵyn jáne orta kásipkerlik turaqty túrde damyp keledi. Damýdyń jarqyn kórinisi retinde «Óńirler kásipkerligin qoldaý» baǵdarlamasynan tys jalpy quny 135,0 mln. teńgelik 2 joba iske qosylǵanyn aitýǵa bolady. Olar «Qazyǵurt aina» JShS-nyń suiyq shyny óndirisi – 85,0 mln. teńge jáne «UNIFRUTTI GOLD» JShS-nyń jemister men kókónisterdi óńdeý arqyly dietalyq piýreler shyǵarý óndirisi – 50,0 mln. teńge. Aýdan kóleminde búgingi tańda jumys istep turǵan 18 kásiporyn bar.
2018 jyldyń 10 aiynda aýdandaǵy ónerkásip kásiporyndarynda 5 633,0 mln. teńgeniń ónimi óndirilip, ótken jyldyń tiisti kezeńimen salystyrǵanda naqty kólem indeksi 103,9% quraǵan.
