Ekologiia ministri Erlan Nysanbaev óz kóligin qyzdyrǵan sátti videoǵa túsirip kórsetti, dep habarlaidy Dalanews.kz.
Ministr Erlan Nysanbaev daladaǵy aýa temperatýrasy -17 gradýs ekenin atap ótip, qozǵaltqysh temperatýrasynyń eń tómengi kórsetkishte turǵanyn kórsetip, test ótkizdi.
Búginde kólikti 5 minýttan artyq qyzdyrǵany úshin júrgizýshige aiyppul salý normasy qoǵamda qyzý talqylanýda.
Ministr bolsa qyzdyrýǵa 5 minýt jetkilikti ekenin tájiribe júzinde kórsetýdi jón sanapty.
Buǵan deiin Nysanbaev avtokólikti qosýly kúiinde bes minýttan artyq qaldyrýǵa qatysty qarastyrylǵan aiyppul jaiyna toqtaldy. Ekolog retinde ministr bul talapty qoldaitynyn jetkizgen bolatyn.
"Ekologiia turǵysynan biz avtomobilderdi bes minýttan artyq qyzdyrýǵa salynatyn tyiymdy qamtityn jol qozǵalysy erejelerin saqtaý óte mańyzdy dep sanaimyz. Tipti, sýyq degen soltústik óńirlerde kólikti qyzdyryp, júre berýge bes minýt jetkilikti dep aita alamyn", – dedi Nysanbaev.
Ministr óz kóliginde muny synap, keiin onyń nátijesimen bólisýge ýáde berdi.
Buǵan deiin Májilis depýtaty Serik Erýbaev óńirlerdiń temperatýralyq rejimi men klimatyn eskere otyryp, qosýly kólikke qatysty normany qaita qaraýdy suraǵan bolatyn.
Al QR IIM bul jańashyldyq emes ekenin, atalǵan normanyń qoldanysqa engizilgennen beri 20 jyldan astam ýaqyt ótkenin atap ótti.
QR IIM Ákimshilik politsiia komiteti bul rette QR ÁQBtK-niń 597-babynan buzǵany úshin azamattarǵa 5 AEK (19 660 teńge) mólsherinde, al qaitalap buzǵany úshin – 10 AEK (39 320 teńge) mólsherinde aiyppul qarastyrylatynyn eske salady.
