ەكولوگييا مينيسترٸ ەرلان نىسانباەۆ ٶز كٶلٸگٸن قىزدىرعان سەتتٸ ۆيدەوعا تٷسٸرٸپ كٶرسەتتٸ, دەپ حابارلايدى Dalanews.kz.
مينيستر ەرلان نىسانباەۆ دالاداعى اۋا تەمپەراتۋراسى -17 گرادۋس ەكەنٸن اتاپ ٶتٸپ, قوزعالتقىش تەمپەراتۋراسىنىڭ ەڭ تٶمەنگٸ كٶرسەتكٸشتە تۇرعانىن كٶرسەتٸپ, تەست ٶتكٸزدٸ.
بٷگٸندە كٶلٸكتٸ 5 مينۋتتان ارتىق قىزدىرعانى ٷشٸن جٷرگٸزۋشٸگە ايىپپۇل سالۋ نورماسى قوعامدا قىزۋ تالقىلانۋدا.
مينيستر بولسا قىزدىرۋعا 5 مينۋت جەتكٸلٸكتٸ ەكەنٸن تەجٸريبە جٷزٸندە كٶرسەتۋدٸ جٶن ساناپتى.
بۇعان دەيٸن نىسانباەۆ اۆتوكٶلٸكتٸ قوسۋلى كٷيٸندە بەس مينۋتتان ارتىق قالدىرۋعا قاتىستى قاراستىرىلعان ايىپپۇل جايىنا توقتالدى. ەكولوگ رەتٸندە مينيستر بۇل تالاپتى قولدايتىنىن جەتكٸزگەن بولاتىن.
"ەكولوگييا تۇرعىسىنان بٸز اۆتوموبيلدەردٸ بەس مينۋتتان ارتىق قىزدىرۋعا سالىناتىن تىيىمدى قامتيتىن جول قوزعالىسى ەرەجەلەرٸن ساقتاۋ ٶتە ماڭىزدى دەپ سانايمىز. تٸپتٸ, سۋىق دەگەن سولتٷستٸك ٶڭٸرلەردە كٶلٸكتٸ قىزدىرىپ, جٷرە بەرۋگە بەس مينۋت جەتكٸلٸكتٸ دەپ ايتا الامىن", – دەدٸ نىسانباەۆ.
مينيستر ٶز كٶلٸگٸندە مۇنى سىناپ, كەيٸن ونىڭ نەتيجەسٸمەن بٶلٸسۋگە ۋەدە بەردٸ.
بۇعان دەيٸن مەجٸلٸس دەپۋتاتى سەرٸك ەرۋباەۆ ٶڭٸرلەردٸڭ تەمپەراتۋرالىق رەجيمٸ مەن كليماتىن ەسكەرە وتىرىپ, قوسۋلى كٶلٸككە قاتىستى نورمانى قايتا قاراۋدى سۇراعان بولاتىن.
ال قر ٸٸم بۇل جاڭاشىلدىق ەمەس ەكەنٸن, اتالعان نورمانىڭ قولدانىسقا ەنگٸزٸلگەننەن بەرٸ 20 جىلدان استام ۋاقىت ٶتكەنٸن اتاپ ٶتتٸ.
قر ٸٸم ەكٸمشٸلٸك پوليتسييا كوميتەتٸ بۇل رەتتە قر ەقبتك-نٸڭ 597-بابىنان بۇزعانى ٷشٸن ازاماتتارعا 5 اەك (19 660 تەڭگە) مٶلشەرٸندە, ال قايتالاپ بۇزعانى ٷشٸن – 10 اەك (39 320 تەڭگە) مٶلشەرٸندە ايىپپۇل قاراستىرىلاتىنىن ەسكە سالادى.
