Energetika ministri Almasadam Sátqaliev jii apatqa ushyraityn Ekibastuz jylý elektr stantsiialaryn jóndeý jumystaryna qansha qarajat bólingenin málimdedi, dep habarlaidy Dalanews.kz.
Onyń aitýynsha, qazirgi tańda Ekibastuz JEO jóndeý jumystaryna bailanysty jańa eki joba iske qosylǵan.
"Ekibastuz qalasynda "Ekibastuz GRES-1 jańǵyrtý jáne rekonstrýktsiialaý. Qýaty 500 MVt bolatyn №1 blokty qalpyna keltirý" jobasy iske asyrylyp jatyr. Jobanyń quny qosylǵan qun salyǵynsyz 169,2 mlrd teńgeni quraidy. Jobany osy jyldyń qarasha aiynda aiaqtaý josparlanǵan. Sondai-aq "№3 energoblokty ornatý arqyly Ekibastuz GRES-2-ni keńeitý jáne rekonstrýktsiialaý" jobasy da iske asyrylýda, onyń quny - 666,5 mlrd teńge. Jobany 2027 jyly aiaqtaý josparlanǵan", - dedi Sátqaliev.
Osy tusta ol Ekibastuz Qazaqstannyń negizgi energetikalyq ortalyǵy bolǵandyqtan, GRES jobalaryn iske asyrýdyń jalpy qýatty 1,1 gigavatqa arttyrady.
"Ekibastuz qalasynda GRES-1 jáne GRES-2 jumys isteidi. Olar - Qazaqstannyń Birtutas elektr energetikalyq júiesiniń soltústik jáne ońtústik aimaqtarynyń negizgi energiia kózderi. Ekibastuz – elimizdiń energetikalyq ortalyǵy. Munda Qazaqstannyń jalpy óndirisiniń 40 paiyzdan astamy óndiriledi. Bul kásiporyndarda 2,9 myń adam jumys isteidi", - dedi ministr.
Sonymen qatar ol basqa da qalalarja jylý elektr ortalyqtaryn jańartý josparlanyp otyrǵanyn atap ótti.
"Stepnogorsk, Ridder, Temirtaý, Shahtinsk, Rýdnyi, Ekibastuz, Kentaý qalalarynda 28 qazandyq pen 11 týrbinany jóndeý jáne rekonstrýktsiialaý josparda bar", - dedi Sátqaliev.
