ەنەرگەتيكا ءمينيسترى الماسادام ساتقالييەۆ ءجيى اپاتقا ۇشىرايتىن ەكىباستۇز جىلۋ ەلەكتر ستانسيالارىن جوندەۋ جۇمىستارىنا قانشا قاراجات بولىنگەنىن مالىمدەدى، دەپ حابارلايدى Dalanews.kz.
ونىڭ ايتۋىنشا، قازىرگى تاڭدا ەكىباستۇز جەو جوندەۋ جۇمىستارىنا بايلانىستى جاڭا ەكى جوبا ىسكە قوسىلعان.
"ەكىباستۇز قالاسىندا "ەكىباستۇز گرەس-1 جاڭعىرتۋ جانە رەكونسترۋكسيالاۋ. قۋاتى 500 مۆت بولاتىن №1 بلوكتى قالپىنا كەلتىرۋ" جوباسى ىسكە اسىرىلىپ جاتىر. جوبانىڭ قۇنى قوسىلعان قۇن سالىعىنسىز 169،2 ملرد تەڭگەنى قۇرايدى. جوبانى وسى جىلدىڭ قاراشا ايىندا اياقتاۋ جوسپارلانعان. سونداي-اق "№3 ەنەرگوبلوكتى ورناتۋ ارقىلى ەكىباستۇز گرەس-2ء-نى كەڭەيتۋ جانە رەكونسترۋكسيالاۋ" جوباسى دا ىسكە اسىرىلۋدا، ونىڭ قۇنى - 666،5 ملرد تەڭگە. جوبانى 2027 جىلى اياقتاۋ جوسپارلانعان"، - دەدى ساتقالييەۆ.
وسى تۇستا ول ەكىباستۇز قازاقستاننىڭ نەگىزگى ەنەرگەتيكالىق ورتالىعى بولعاندىقتان، گرەس جوبالارىن ىسكە اسىرۋدىڭ جالپى قۋاتتى 1،1 گيگاۆاتقا ارتتىرادى.
"ەكىباستۇز قالاسىندا گرەس-1 جانە گرەس-2 جۇمىس ىستەيدى. ولار - قازاقستاننىڭ ءبىرتۇتاس ەلەكتر ەنەرگەتيكالىق جۇيەسىنىڭ سولتۇستىك جانە وڭتۇستىك ايماقتارىنىڭ نەگىزگى ەنەرگيا كوزدەرى. ەكىباستۇز – ەلىمىزدىڭ ەنەرگەتيكالىق ورتالىعى. مۇندا قازاقستاننىڭ جالپى ءوندىرىسىنىڭ 40 پايىزدان استامى وندىرىلەدى. بۇل كاسىپورىنداردا 2،9 مىڭ ادام جۇمىس ىستەيدى"، - دەدى مينيستر.
سونىمەن قاتار ول باسقا دا قالالارجا جىلۋ ەلەكتر ورتالىقتارىن جاڭارتۋ جوسپارلانىپ وتىرعانىن اتاپ ءوتتى.
"ستەپنوگورسك، ريددەر، تەمىرتاۋ، شاحتينسك، رۋدنىي، ەكىباستۇز، كەنتاۋ قالالارىندا 28 قازاندىق پەن 11 تۋربينانى جوندەۋ جانە رەكونسترۋكسيالاۋ جوسپاردا بار"، - دەدى ساتقالييەۆ.
