Taldyqorǵanda Talǵardaǵy 16 jastaǵy Sherzat Polattyń ólimine qatysty is boiynsha sot protsesi jalǵasyp jatyr, dep habarlaidy Dalanews.kz.
Shynasyldyń aitýynsha, oqiǵadan keiin ol pyshaqty laqtyrǵan.
– Biz dúken jaqqa qarai bettedik. Sol kezde men pyshaqtaǵy saýsaq izderi qalmasyn dep ony súrttim. Sosyn Danamen: «Maǵan Dizzy quishy, sonymen súrtem», – dedim. Sol sátte Dana quiyp berdi, men pyshaqty súrttim, – dedi ol.
Eske salaiyq, buǵan deiin Abzal taǵylǵan aiypty jartylai moiyndaitynyn aitty.
Aiyptalýshy Abzal Shynasyldyń aitýynsha, oqiǵa bolǵan kúni ol dostary – Azamat Toqtaýbaev, Shyńǵys Belgojaev, Ravil Sakiev jáne kámelet jasqa tolmaǵan D.Y.-men birge kafede demalyp otyrǵan. Sol kezde oǵan Nurbol Toqtaýbaev qońyraý shalyp, "Qamajai" dúkeni mańynda dosyn bireýler soqqyǵa jyqqanyn habarlaǵan.
Abzaldyń sózinshe, ol oqiǵa ornyna kelgende, tóbeles bastalyp ketken eken. Ol sondai-aq Sherzattyń aǵasy – Nurǵanat Ǵaiypbaevtyń ózine qarai myltyqpen oq atqanyn aitty.
«Sodan keiin olar Sherzatpen birge Shota Rýstaveli kóshesimen qashyp ketti. Keiin Sherzat qulap tústi. Ol qulaǵan kezde men ony uryp, teptim. Sosyn men Nurǵanatty úsh ret pyshaqtadym. Muny moiyndaimyn», – dedi Abzal Shynasyl.
Sot barysynda Abzaldan ne úshin pyshaqty ózimen birge alyp júrgeni suralǵanda, ol oqiǵadan úsh kún buryn janarmai beketinde belgisiz úsh adam shabýyl jasaǵanyn, sol sebepti ózimen birge pyshaq alyp júrgenin aitqan.
Alaida sotta Abzal Shynasyl burynǵy aitqan sózderinen bas tartty. Onyń aitýynsha, Sherzatty óltirgen ol emes jáne pyshaqty kim qoldanǵanyn bilmeidi.
