Qazaqstanda eki oblystaǵy ákim aýysýy múmkin, dep habarlaidy dalanews.kz.
17 shildede Atyraý jáne Ulytaý oblystarynda máslihat depýtattarynyń kezekten tys otyrysy ótedi. Máslihattardyń resmi saittarynda jariialanǵan kún tártibine sáikes, jiynda óńir ákimderin taǵaiyndaýǵa kelisim berý máselesi qaralady.
Qazir Atyraý oblysyn 2022 jyldyń sáýirinen beri Serik Shápkenov basqaryp keledi. Al Ulytaý oblysynyń ákimi qyzmetine Dastan Ryspekov 2024 jyldyń qazan aiynda taǵaiyndalǵan bolatyn.
Eki óńirdi kim basqaratyny 17 shilde kúni ótetin máslihat otyrystarynan keiin belgili bolady.
