Almatydaǵy aqyly avtoturaqtar isi boıynsha basty fıgýrant sanalatyn Murat Boranbaev ustaldy, dep habarlaıdy Dalanews.kz.

Bul aqparatty Qarjy monıtorıńi agenttigi Tengrinews.kz-ke rastady.

Tergeý málimetinshe, Murat Boranbaev memleket qarajatyn asa iri kólemde jymqyrdy degen kúdikke ilingen. Osy sebepti ol 2022 jyldan beri halyqaralyq izdeýde bolǵan.

Memlekettik satyp alýlar saıtyndaǵy derekterge sáıkes, Murat Boranbaev 2017 jyly "Alan Parking" JSHS-niń basshysy bolǵan.

Sol jyly, 2022 jyldyń sáýirinde, atalǵan kompanıanyń dırektory Muhtar Bazarbaevtyń ustalǵany habarlandy. Artynsha "Almaty spestehparkıng servıs" JSHS dırektory Marat Prınbekovke de qamaýǵa alý sharasy qoldanylǵan.

Aıta keteıik, buǵan deıin Qarjy monıtorıńi agenttigi bıznesmen Murat Boranbaevqa izdeý jarıalaǵan edi. Murat Boranbaevqa izdeý salý týraly aqparat Quqyqtyq statısıka organdarynyń portalynda jarıalandy.

İzdestirýdi júrgizetin organ retinde Almaty boıynsha ekonomıkalyq tergeý departamenti kórsetilgen.

Murat Boranbaev 1970 jyly týǵan, QR azamaty.

Keı derekkózder ony Qaırat Boranbaevtyń inisi dep jazady.