Eki bólmeli páterge suranys joǵary
Sonymen birge, "7-20-25" baǵdarlamasy arqyly satyp alynatyn baspananyń ortasha quny da esepteldi. Qazirgi tańda ol kórsetkish 14 million 68 myń teńgeni quraidy.
Qaryz alýshynyń ortaq sipaty da belgili boldy. Ol - Qazaqstan Respýblikasynyń azamaty, jas shamasy 24 pen 40 jas aralyǵynda, otbasynyń ai saiynǵy tabysy 200 myń teńge kóleminde.
"Qazirgi tańda baǵdarlamaǵa qatysqan kóptegen azamattardyń ótinishteri maquldanǵanyn baiqap otyrmyz. Ol "7-20-25" baǵdarlamasynyń kókeikestiligin, der kezinde qolǵa alynǵandyǵyn jáne áleýmettik baǵytyn aiqyn dáleldeidi", - dedi "Baspana" Ipotekalyq uiymynyń Basqarma tóraǵasy Qairat Altynbekov.
Qairat Altynbekovtyń sózinshe, jyldyq ústemesi 7 paiyz bolatyn "7-20-25" ipotekasynyń ai saiynǵy tólemi páterdi jalǵa alyp turǵannan arzan shyǵady.
"Páter jaldaǵannan kóri, óz baspanańda turǵanǵa ne jetsin", - dep qaiyrdy, Qairat Altynbekov.
13 tamyz kúngi jaǵdai boiynsha, Qazaqstan halqynan baǵdarlamaǵa qatysýǵa 15,4 mlrd. teńge somasyna 1323 ótinish kelip túsken. Onyń jalpy somasy 9,7 mlrd. teńgeni quraityn 843 ótinishi bankter tarapynan maquldandy.
Qazirgi tańda, "7-20-25" baǵdarlamasynyń ipotekalyq nesiesin Tsentrkredit banki, ATFBank, Bank RBK men TsesnaBank arqyly alýǵa bolady.
"Baspana" Ipotkalyq Uiymy" AQ Syrtqy kommýnikatsiialar qyzmeti
