Qazaqstannyń eki birdei óńirinde poiyz ben jeńil kólik soqtyǵysa jazdady. Eki oqiǵa boiynsha da tergeý júrgizilip jatyr, dep habarlaidy Dalanews.kz.
"Qazaqstan temir joly" UK" AQ baspasóz qyzmeti málimetinshe, birinshi oqiǵa 23 aqpanda saǵat 06:26-da Taraz-Shý ýchaskesinde bolǵan.
Aqsholaq-Úshbulaq aralyǵyndaǵy temirjol ótkelinde elektrovoz mashinisi Chevrolet Cobalt kóligine soqtyǵyspas úshin poiyzdy shuǵyl tejegen. Saldarynan poiyz 22 minýtqa keshikken. Bul aqparat Taraz qalasynyń jol politsiiasyna jiberilgen.
"Ekinshi jaǵdai da 23 aqpanda saǵat 15:35-te Arys-Túlkibas ýchaskesinde bolǵan. Shymkent-Qyzylsai aralyǵynda saǵatyna 51 shaqyrym jyldamdyqpen kele jatqan №2230 poiyz mashinisi jeńil kólik jolǵa shyǵýyna bailanysty poiyzdy shuǵyl tejegen. Kólik júrgizýshisi oqiǵa ornynan qashyp ketken. Poiyz 16 minýtqa keshikken", - dep jazylǵan "QTJ" habarlamasynda.
