Almaty politsiiasy jyl basynan beri 18 esirtki zerthanasyn joidy, - dep habarlaidy Dalanews.kz IIM baspasóz qyzmetine siltep.
Taǵy bireýi zeinetkerlik jastaǵy azamattyń qarapaiym jeke úiinde ornalasqan. Arnaiy is-sharany Medeý aýdandyq prokýratýrasynyń úilestirýimen esirtki qylmysymen kúresýshiler, politsiianyń arnaiy jasaqtary jáne N-Deizi laqap aty bar izkesýshi itpen kinolog júrgizdi.
"Eki er adam ustaldy. Esirtki zerthanasyn uiymdastyrý ideiasy kishisine tiesili ekendigi belgili boldy. Ol egde jastaǵy tanysyna kelip, mol paida tabýǵa ýáde berip, úiinde qylmystyq kásip ashýdy usynady. Úidi tintý kezinde ósimdik tektes jáne untaq túrindegi zattar, esirtki zattardy bólshek saýdaǵa salýǵa arnalǵan polietilen bailamdar, qabattary bar ydystar, suiyqtyǵy bar kanistrler, protivogazdar, kolbalar, tamshýyrlar jáne basqa da zerthanalyq jabdyqtar tabyldy. Aiǵaqty zattar tárkilendi.
Sot-himiialyq saraptama taǵaiyndalyp, onyń qorytyndysyna sáikes, ol úide sintetikalyq mefedron esirtkisi qainatylǵan. Atalǵan derek boiynsha qylmystyq is qozǵaldy. Laboranttar qamaýǵa alyndy, – dedi Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.
QR QK-niń 201-babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
