Bas prokýratýra azamattardy alaiaqtyqtyń jańa tásili týraly eskertedi. Bul rette,qaskóiler ózderin «eGov» qyzmetkerleri retinde tanystyrady, dep habarlaidy dalanews.kz.io
Internet-alaiaqtyqtyń sany tómendegenine qaramastan (14,8%, 17,2 myńnan 14,6myńǵa deiin), qylmyskerler azamattardy aldaýdyń jańa tásilderin qoldanýdy jalǵastyrýda. Tek sońǵy bir aidyń ishinde elimizde alaiaqtardyń ózderin «eGov» qyzmetkerleri retinde tanystyrǵan 30 jýyq deregi tirkeldi.
Ádette alaiaqtar azamattarǵa olardyń atynan ETsQ rásimdelgeni nemese ózge de áreketter jasalǵany týraly jalǵan aqparat beredi. Odan keiin áńgimege olardyń sybailastary qosylyp, zańsyz nesie rásimdeýdiń aldyn alý syltaýymen jábirlenýshilerdi ózderi kórsetken shottarǵa aqsha aýdarýǵa kóndiredi.
Osyndai jaǵdailardyń birinde Taraz qalasynyń turǵynyna belgisiz adam qońyraý shalyp, ózin «eGov» qyzmetkeri retinde tanystyryp, onyń atyna ETsQ shyǵarylǵanyn habarlaǵan. Keiin WhatsApp arqyly onymen basqa adamdar bailanysyp, onyń atyna jeti bankten nesie rásimdelgenin aitqan. Alaiaqtardyń arbaýyna túsken áiel úshinshi tulǵalardyń shottaryna 2 mln teńgeden astam qarajat aýdarǵan.
Bul derek boiynsha sotqa deiingi tergep-tekserý júrgizilip jatyr.
