Qorǵanys ministrligi Almaty oblysynda kóz jumǵan 19 jastaǵy sarbaz Dinmuhammedtiń ólimine qatysty pikir bildirdi, dep habarlaidy Dalanews.kz.
Qorǵanys ministriniń orynbasary Serik Borambaevtyń aitýynsha, qazir tergeý júrip jatyr.
"Kez kelgen pikir qate taralyp, ziian keltirýi múmkin. Bul – ata-ana úshin úlken qasiret, biz úshin de aýyr soqqy. Biz, komandirler, áskerge kelgen árbir sarbazdy jeke tanimyz. Bir jyldyq qyzmettegi barlyq jetistigin birge bólisemiz. Al mundai sátter bizge de óte aýyr, ásirese, qasynda júrgen komandirler úshin. Qalai bolsa da, bul - ata-ana úshin orny tolmas qaza", - dedi sheneýnik.
Aita keteiik, jýyrda áskerde taǵy da qaiǵyly jaǵdai boldy. Almaty oblysy Jambyl aýdany Mátibulaq aýylynda ornalasqan №01098 áskeri bóliminde 19 jastaǵy merzimdi sarbaz Dinmuhamed Shynarbek óli tabyldy.
Marqumnyń ápkesiniń sózinshe, 2024 jyly kúzde áskerge Daniial Shynarbek shaqyrylsa, kóktemde onyń egizi Dinmuhammed ásker qataryna alynǵan. Ekeýi de Otar garnizonynda qyzmet etken.
Otbasyna marqum sýitsid jasady degen habar jetken, alaida týǵan-týystary bul nusqaǵa senbeidi.
