قورعانىس مينيسترلىگى الماتى وبلىسىندا كوز جۇمعان 19 جاستاعى سارباز دىنمۇحاممەدتىڭ ولىمىنە قاتىستى پىكىر ءبىلدىردى، دەپ حابارلايدى Dalanews.kz.
قورعانىس ءمينيسترىنىڭ ورىنباسارى سەرىك بورامبايەۆتىڭ ايتۋىنشا، ءقازىر تەرگەۋ ءجۇرىپ جاتىر.
"كەز كەلگەن پىكىر قاتە تارالىپ، زيان كەلتىرۋى مۇمكىن. بۇل – اتا-انا ءۇشىن ۇلكەن قاسىرەت، ءبىز ءۇشىن دە اۋىر سوققى. ءبىز، كومانديرلەر، اسكەرگە كەلگەن ءاربىر ساربازدى جەكە تانيمىز. ءبىر جىلدىق قىزمەتتەگى بارلىق جەتىستىگىن بىرگە بولىسەمىز. ال مۇنداي ساتتەر بىزگە دە وتە اۋىر، اسىرەسە، قاسىندا جۇرگەن كومانديرلەر ءۇشىن. قالاي بولسا دا، بۇل - اتا-انا ءۇشىن ورنى تولماس قازا"، - دەدى شەنەۋنىك.
ايتا كەتەيىك، جۋىردا اسكەردە تاعى دا قايعىلى جاعداي بولدى. الماتى وبلىسى جامبىل اۋدانى ءماتىبۇلاق اۋىلىندا ورنالاسقان №01098 اسكەري بولىمىندە 19 جاستاعى مەرزىمدى سارباز دىنمۇحامەد شىناربەك ءولى تابىلدى.
مارقۇمنىڭ اپكەسىنىڭ سوزىنشە، 2024 جىلى كۇزدە اسكەرگە دانيال شىناربەك شاقىرىلسا، كوكتەمدە ونىڭ ەگىزى دىنمۇحاممەد اسكەر قاتارىنا الىنعان. ەكەۋى دە وتار گارنيزونىندا قىزمەت ەتكەن.
وتباسىنا مارقۇم سۋيسيد جاسادى دەگەن حابار جەتكەن، الايدا تۋعان-تۋىستارى بۇل نۇسقاعا سەنبەيدى.
