Túrkiianyń Almatydaǵy Bas konsýldyǵy «Aurora» meiramhanasynda Túrik ashanasynyń aptalyǵyn ótkizdi.
Sharanyń basty maqsaty – álemdik gastronomiiada ózindik orny bar túrik taǵamdaryn nasihattaý. Osy oraida, biyl tańdalǵan taqyryp – Egei ashanasy. Túrkiianyń Egei teńizi aimaǵyndaǵy turǵyndardyń taǵamdardy daiyndaýda ǵasyrlar boiy jinaqtaǵan bai tájiribesi men eshkimge uqsamaityn ereksheligi Qazaq dastarqanynda usynyldy.
Túrik ashanasy aptalyǵynyń ashylý saltanatynda sóz sóilegen Túrkiianyń Almatydaǵy Bas konsýly Evren Múdderisoǵlu: «Túrkiia prezidenti Redjep Taiip Erdoǵan men jubaiy Emine Erdoǵannyń bastamasymen, Túrkiia Mádeniet jáne týrizm ministrliginiń uiymdastyrýymen, jyl saiyn túrli taqyrypta búkil álemde Túrkiia ashanasynyń aptalyǵy ótedi. Búgin biz qazaq dostarymyzben Egei aimaǵy ashanasynyń dámderin tatýǵa jinaldyq», – dedi.
Bas konsýldyń aitýynsha, taǵamdar arqyly Túrkiiaǵa týrizmin damytýǵa yqpaly zor: «Túrik ashanasy – ózine tán mádenietke ie ári dúnie júizindegi eń tanymal ashanalardyń biri. Túrli dámderi arqyly eldi nasihattaýǵa bolady. Mysaly, «Egei ashanasy» degende adamdardyń sanasynda «Egei aimaǵynda qandai qalalar bar eken?» degen suraq týyndaidy. Sol arqyly Izmir, Bodrým, Bursa, Balykesir, Manisa, Chanakkale t.b. qalalardy kórýge degen qyzyǵýshylyǵy oianady. Demek, ulttyq taǵamdar men týrizm bir-birimen tyǵyz bailanysty.
Almatylyqtar 2 maýsymǵa deiin «Aurora» meiramhanasynda Egei ashanasyna arnalǵan meniýdan dám tańdaý arqyly Türk Hava yollari áýekompaniiasynyń Túrkiiaǵa tegin joldamasyn utyp alýǵa múmkindigi bar.
Náziia Joiamergenqyzy
#turkmutfagi #türkmutfaği #tga #turizm #gotürkiye #egemutfaği
www.gotürkiye.com
www.tga.gov.tr
