تٷركييانىڭ الماتىداعى باس كونسۋلدىعى «Aurora» مەيرامحاناسىندا تٷرٸك اسحاناسىنىڭ اپتالىعىن ٶتكٸزدٸ.
شارانىڭ باستى ماقساتى – ەلەمدٸك گاسترونومييادا ٶزٸندٸك ورنى بار تٷرٸك تاعامدارىن ناسيحاتتاۋ. وسى ورايدا, بيىل تاڭدالعان تاقىرىپ – ەگەي اسحاناسى. تٷركييانىڭ ەگەي تەڭٸزٸ ايماعىنداعى تۇرعىنداردىڭ تاعامداردى دايىنداۋدا عاسىرلار بويى جيناقتاعان باي تەجٸريبەسٸ مەن ەشكٸمگە ۇقسامايتىن ەرەكشەلٸگٸ قازاق داستارقانىندا ۇسىنىلدى.
تٷرٸك اسحاناسى اپتالىعىنىڭ اشىلۋ سالتاناتىندا سٶز سٶيلەگەن تٷركييانىڭ الماتىداعى باس كونسۋلى ەۆرەن مٷددەريسوعلۇ: «تٷركييا پرەزيدەنتٸ رەدجەپ تاييپ ەردوعان مەن جۇبايى ەمينە ەردوعاننىڭ باستاماسىمەن, تٷركييا مەدەنيەت جەنە تۋريزم مينيسترلٸگٸنٸڭ ۇيىمداستىرۋىمەن, جىل سايىن تٷرلٸ تاقىرىپتا بٷكٸل ەلەمدە تٷركييا اسحاناسىنىڭ اپتالىعى ٶتەدٸ. بٷگٸن بٸز قازاق دوستارىمىزبەن ەگەي ايماعى اسحاناسىنىڭ دەمدەرٸن تاتۋعا جينالدىق», – دەدٸ.
باس كونسۋلدىڭ ايتۋىنشا, تاعامدار ارقىلى تٷركيياعا تۋريزمٸن دامىتۋعا ىقپالى زور: «تٷرٸك اسحاناسى – ٶزٸنە تەن مەدەنيەتكە يە ەرٸ دٷنيە جٷٸزٸندەگٸ ەڭ تانىمال اسحانالاردىڭ بٸرٸ. تٷرلٸ دەمدەرٸ ارقىلى ەلدٸ ناسيحاتتاۋعا بولادى. مىسالى, «ەگەي اسحاناسى» دەگەندە ادامداردىڭ ساناسىندا «ەگەي ايماعىندا قانداي قالالار بار ەكەن?» دەگەن سۇراق تۋىندايدى. سول ارقىلى يزمير, بودرۋم, بۇرسا, بالىكەسير, مانيسا, چاناككالە ت.ب. قالالاردى كٶرۋگە دەگەن قىزىعۋشىلىعى ويانادى. دەمەك, ۇلتتىق تاعامدار مەن تۋريزم بٸر-بٸرٸمەن تىعىز بايلانىستى.
الماتىلىقتار 2 ماۋسىمعا دەيٸن «Aurora» مەيرامحاناسىندا ەگەي اسحاناسىنا ارنالعان مەنيۋدان دەم تاڭداۋ ارقىلى Türk Hava yolları ەۋەكومپانيياسىنىڭ تٷركيياعا تەگٸن جولداماسىن ۇتىپ الۋعا مٷمكٸندٸگٸ بار.
نەزييا جويامەرگەنقىزى
#turkmutfagi #türkmutfağı #tga #turizm #gotürkiye #egemutfağı
www.gotürkiye.com
www.tga.gov.tr
