"Eden jýýshy bolyp jumysqa kirý úshin 500 myń teńge suraıdy". Muqaev jemqorlyqty ashyq aıyptady

Saǵynysh Sardarova 09 aqp. 2024 09:04 850

Depýtat, tanymal bloger Dáýlet Muqaev komıtet otyrysynda sybaılas jemqorlyq derekterin ashyq aıtty,- dep habarlaıdy Dalanews.kz.

Depýtattyń pikirinshe, jemqorlyq kezdespeıtin sala joq. 

"Bala dúnıe kelgennen bastap, anaý adam qaıtys bolǵanǵa deıin,sózdiń ashyǵy. Qudaı saqtasyn, ólip qalatyn bolsa, Almatyda taýdyń, "Keńsaıdyń" mańaıy dep... Odan keıin bala dúnıege kelgende jaqsy dáriger, perzenthana kerek dep taǵy izdeıdi. Odan bólek balabaqsha, mektep. Bala ýnıversıtetke barady. Osydan soń ol úılenip, otbasy bolǵan kezde olarǵa úı kerek. Ony alý úshin úıdiń kezegine turý qajet. Jumysqa ornalasady. Osy salanyń bárinde jemqorlyq bar. Ásirese, maǵan Qyzylordadan kóp hat jazady, Shymkentten kóp hat jazady. Mysaly, jaı ǵana eden jýýshy bolyp, jumysqa ornalasý úshin 500 myń teńge suraıdy, al muǵalimderdiń stavkasy 1-1,5 mln teńge bolyp ketken. Ondaı hattar óte kóp. Antıkorǵa habarlasyńyz deımin. 1424-ke habarlasqan kezdegi algorıtm qalaı jumys isteıdi?" - dep surady Dáýlet Muqaev komıtet otyrysynda.


Usynylǵan
Sońǵy jańalyqtar
x