دەپۋتات، تانىمال بلوگەر داۋلەت مۇقايەۆ كوميتەت وتىرىسىندا سىبايلاس جەمقورلىق دەرەكتەرىن اشىق ايتتى،- دەپ حابارلايدى Dalanews.kz.
دەپۋتاتتىڭ پىكىرىنشە، جەمقورلىق كەزدەسپەيتىن سالا جوق.
"بالا دۇنيە كەلگەننەن باستاپ، اناۋ ادام قايتىس بولعانعا دەيىن،ءسوزدىڭ اشىعى. قۇداي ساقتاسىن، ءولىپ قالاتىن بولسا، الماتىدا تاۋدىڭ، "كەڭسايدىڭ" ماڭايى دەپ... ودان كەيىن بالا دۇنيەگە كەلگەندە جاقسى دارىگەر، پەرزەنتحانا كەرەك دەپ تاعى ىزدەيدى. ودان بولەك بالاباقشا، مەكتەپ. بالا ۋنيۆەرسيتەتكە بارادى. وسىدان سوڭ ول ۇيلەنىپ، وتباسى بولعان كەزدە ولارعا ءۇي كەرەك. ونى الۋ ءۇشىن ءۇيدىڭ كەزەگىنە تۇرۋ قاجەت. جۇمىسقا ورنالاسادى. وسى سالانىڭ بارىندە جەمقورلىق بار. اسىرەسە، ماعان قىزىلوردادان كوپ حات جازادى، شىمكەنتتەن كوپ حات جازادى. مىسالى، جاي عانا ەدەن جۋۋشى بولىپ، جۇمىسقا ورنالاسۋ ءۇشىن 500 مىڭ تەڭگە سۇرايدى، ال مۇعالىمدەردىڭ ستاۆكاسى 1-1،5 ملن تەڭگە بولىپ كەتكەن. ونداي حاتتار وتە كوپ. انتيكورعا حابارلاسىڭىز دەيمىن. 1424-كە حابارلاسقان كەزدەگى الگوريتم قالاي جۇمىس ىستەيدى؟" - دەپ سۇرادى داۋلەت مۇقايەۆ كوميتەت وتىرىسىندا.
