Diplomatiialyq biznes klýb otyrysyna QR Parlamenti Senatynyń Tóraǵasy Máýlen Áshimbaev, Diplomatiialyq biznes klýbtyń teń tóraǵasy Islambek Saljanov, Syrtqy ister ministriniń orynbasary Álibek Baqaev, «Atameken» QR UKP Tóralqa tóraǵasy Raiymbek Batalov, YPO Kazakhstan Tóraǵasy Qanat Kópbaev, Qazaqstanda tirkelgen diplomatiialyq ókildikterdiń basshylary jáne Qazaqstannyń biznes-qaýymdastyq jetekshileri qatysty.
Klýb músheleri aldynda sóilegen sózinde Máýlen Áshimbaev Memleket basshysy Qasym-Jomart Toqaevtyń bastamasymen eldi jańǵyrtý baǵytynda keshendi reforma júzege asyrylyp jatqanyn atap ótti. Búgingi kúnniń basty mindetteriniń biri – el damýynyń jańa ekonomikalyq modelin qalyptastyrý.
«Qazaqstan búginde ashyqtyq qaǵidattaryn ustanady. Sondai-aq ekonomikalyq, saiasi, mádeni-gýmanitarlyq jáne basqa da salalarda ózge eldermen jan-jaqty yntymaqtastyqty belsendi damytyp keledi. Diplomatiialyq biznes klýby osy baǵyttaǵy mindetterdi iske asyrýǵa óz úlesin qosady dep senemin», – dedi Senat Tóraǵasy.
Óz kezeginde Islambek Saljanov 8 jyl ishinde klýbtyń sheteldik diplomatiialyq korpýs pen Qazaqstannyń túrli salalardaǵy iskerlik qoǵamdastyǵy arasyndaǵy ózara is-qimyldy damytý jáne nyǵaitý úshin tolyqqandy beiresmi alańǵa ainalǵanyn atap ótti.
«Memleket basshysynyń saiasi júieni qaita jańǵyrtý jáne áleýmettik-ekonomikalyq jańǵyrtý boiynsha júrgizgen reformalarynyń arqasynda Qazaqstanda biznesti júrgizý úshin teń múmkindikter paida boldy. Qazaqstan ekonomikasyn naqty monopoliiasyzdandyrý júrip jatyr. Sybailas jemqorlyqqa qarsy kúresti kúsheitý, zań ústemdigi men ádil sot tóreligin ornatý Qazaqstanǵa sheteldik investorlardy tartý úshin qolaily jańa múmkindikter týǵyzady», - dep atap ótti Islambek Saljanov.
«Atameken» QR UKP Tóralqa tóraǵasy Raiymbek Batalov óz sózinde Diplomatiialyq biznes klýb sheteldik investorlarǵa Qazaqstanda senimdi seriktester tabýǵa múmkindik beretinin, bul klýbtyń negizgi baǵyttarynyń biri ekendigin atap ótti.
YPO Kazakhstan tóraǵasy Qanat Kópbaevtyń aitýynsha, YPO músheleri DBK qurylǵan kúnnen bastap belsendi túrde birge jumys istep keledi. Onyń aitýynsha, yntymaqtastyqtyń basymdyǵy elder arasyndaǵy ózara tiimdi uzaq merzimdi iskerlik qarym-qatynastardy qurý jáne bul jerde Diplomatiialyq iskerlik klýb basty ról atqarady.
Kezdesý barysynda Diplomatiialyq biznes klýbtyń atqarýshy direktory Saiajan Tuiaqova klýbtyń 2024 jylǵa arnalǵan aldaǵy is-sharalary týraly aitty. Olardyń qatarynda Qazaqstannyń óńirlerine diplomatiialyq ókildikter basshylarynyń iskerlik týrlary, diplomattar úshin biznes-qoǵamdastyq jetekshilerimen iskerlik tańǵy as, salalyq ministrlikterdiń basshylarymen kezdesýler, investitsiialyq ahýal boiynsha túrli lektsiialar men seminarlar ótkizý jáne basqa da is-sharalar bar.
Sondai-aq, Diplomatiialyq iskerlik klýb múshelerine aldaǵy qyrkúiekte Astanada ótetin 5-shi Dúniejúzilik kóshpendiler oiyndary tanystyryldy. Islambek Saljanov Ulttyq sport túrleri qaýymdastyǵynyń prezidenti bola otyryp, DBK-nyń barlyq múshelerin ulttyq sport túrleri jarystaryna qatysýǵa shaqyrdy.
