Almatyda "Dauletten qaiyrymdylyq qory" uiymdastyrǵan qaiyrymdylyq keshte Dimash Qudaibergenniń kostiými aýktsionda 2 000 000 teńgege satyldy, dep habarlaidy Dalanews.kz.
"Dauletten" qaiyrymdylyq qorynyń málimetinshe, atalmysh kostiýmdi tanymal ánshi Alla Pýgachevanyń Máskeýde ótken mereitoiyna orai uiymdastyrylǵan "Podarok dlia Anny" atty shyǵarmashylyq keshinde kigen. Onda Dimash Igor Krýtoidyń "Liýbov, pohojaia na son" ánin oryndady. Kostiým dizaineri – Atelier Leka.
Qaiyrymdylyq qory tarapynan uiymdastyrylǵan aýktsionda alǵashqy lottyń baǵasy 500 000 teńgeden bastaldy. Aýktsion sońynda kostiým 2 000 000 teńgege satyldy. Bul lotty qazaqstandyq kásipker, qarjylyq saýattylyq boiynsha mentor Erkebulan Áripbai satyp aldy.
"Men bul kostiýmdi inime syilaimyn. Ol 11-synypty aiaqtaiyn dep jatyr. Ózi de Dimash Qudaibergenge uqsaidy. Týystarymyzdyń bári ony Dimashqa uqsatady", - dedi ol.
Bul atalmysh keshte 2 000 000 teńgege baǵalanǵan eń úlken lot boldy. Sondai-aq, qaiyrymdylyq keshinde "GGG fýtbolka" 1 000 000 teńgege, qazaqstandyq mini-fýtbolist, Qairat jáne Qazaqstan quramasynyń shabýylshysy Serik Jamanqulov kigen fýtbolka 300 000 teńgege, "Ordabasy" fýtbol klýbynyń jáne Qazaqstan Ulttyq quramasynyń kapitany Ashat Taǵybergenniń fýtbolkasy 300 000 teńgege satyldy. Aýktsionda Mustafa Óztúriktiń qoly qoiylǵan kitap ta boldy.
Aita ketý kerek, "Dauletten qory" tarapynan uiymdastyrylǵan bul keshte jiyny 7 000 000 teńge jinaldy. Aýktsionnan jinalǵan qarajat qaiyrymdylyqqa jumsalmaq. Elimizde bolyp jatqan sý tasqyny saldarynan zardap shekken óńirlerge gýmanitarlyq kómek kórsetiledi.
