Dimash Lara Fabianmen birge án salady
– "Dimash Qudaibergen shaqyrady" kontserti "Astana Arena" sahnasynda 27 maýsymda ótedi dep josparlanǵan. "Biz qazir kelissózderdi belsendi júrgizip jatyrmyz, Lara Fabianmen jáne aǵaiyndy Meladzelermen kelisim bar, basqa qatysýshylarmen de kelissóz júrgizip jatyrmyz. Basty figýra – Dimash Qudaibergen. Biz onymen qýana-qýana birge án salatyn oryndaýshylardy shaqyramyz. Menińshe, eki apta ishinde barlyq tehnikalyq máseleni retteimiz. Qarapaiym ǵana jeke kontsert emes, úlken shoý ótkizgimiz keledi", – dedi ministr.
Onyń aitýynsha, biletter sáýirdiń ortasynan bastap satylady.
– Jaryqtandyrý men tehnikalyq jabdyqqa negizgi qarajat jumsalady. Dimash Qudaibergen eliniń patrioty jáne mundai óner kórsetýimen qyrýar aqsha tabýdy kózdemeidi, – dep málimdedi Muhamediuly.
Eske sala keteiik, keshe Dimash Qudaibergen I am a Singer baiqaýynyń 10-shy kezeńinde 3-oryn alyp, baiqaýdyń finalyna shyqqan bolatyn. Bul kezeńde qazaqstandyq ánshi "Umytylmas kún" ánin qazaq jáne qytai tilinde oryndady. Aita keteiik, ánniń avtory Dimash Qudaibergenniń ózi de, sózin Oral Baiseńgir jazǵan. Al erteńnen, iaǵni 1 sáýirden bastap baiqaýdy qazaqstandyq telearna kórsetedi.
