Dikii Arman Prezident pen Qazaqstan halqyna úndeý jasady, - dep habarlaidy Dalanews.kz kursiv.media-ǵa siltep.
Onyń úndeýin búgin advokaty Elena Jigalionok oqydy. Arman Jumageldievtiń aitýynsha, ony "qylmystyq isti burmalaý jáne propagandalyq sipattaǵy filmder túsirý" arqyly "Qańtardaǵy" tártipsizdikterdi uiymdastyrýshysy etip shyǵarmaq.
"Uialatyn túgim joq, kerisinshe. Syn saǵatta zań kúzetinde bolǵanymdy jáne óz elimdi qorǵaǵanymdy maqtan tutamyn. Allanyń qalaýymen "Qańtar" boiynsha barlyq jait Prezidentke jetedi dep jáne meniń dálelderimdi tekserip, Arman satqyn emes, batyr ekenine kóz jetkizedi dep úmittenemin", - dep jazdy Jumageldiev.
Dikii Arman "shyndyqty bári bilsin" dep ashyq sotty surady. Arman Jumageldiev Almatyda 2022 jylǵy 7 qańtarda Qańtar oqiǵalarynan keiin ustaldy. Ol tártipsizdikterdi uiymdastyrdy, olarǵa qatysty, atys qarýyn urlady, atys qarýyn zańsyz satyp aldy nemese alyp júrdi dep aiyptalyp otyr. Oǵan qatysty sot 2023 jylǵy qazanda bastaldy, biraq jabyq túrde ótti.
