ديكيي ارمان پرەزيدەنت پەن قازاقستان حالقىنا ۇندەۋ جاسادى، - دەپ حابارلايدى Dalanews.kz kursiv.media-عا سىلتەپ.
ونىڭ ۇندەۋىن بۇگىن ادۆوكاتى ەلەنا جيگالونوك وقىدى. ارمان جۇماگەلدييەۆتىڭ ايتۋىنشا، ونى "قىلمىستىق ءىستى بۇرمالاۋ جانە پروپاگاندالىق سيپاتتاعى فيلمدەر ءتۇسىرۋ" ارقىلى "قاڭتارداعى" تارتىپسىزدىكتەردى ۇيىمداستىرۋشىسى ەتىپ شىعارماق.
"ۇيالاتىن تۇگىم جوق، كەرىسىنشە. سىن ساعاتتا زاڭ كۇزەتىندە بولعانىمدى جانە ءوز ەلىمدى قورعاعانىمدى ماقتان تۇتامىن. اللانىڭ قالاۋىمەن "قاڭتار" بويىنشا بارلىق جايت پرەزيدەنتكە جەتەدى دەپ جانە مەنىڭ دالەلدەرىمدى تەكسەرىپ، ارمان ساتقىن ەمەس، باتىر ەكەنىنە كوز جەتكىزەدى دەپ ۇمىتتەنەمىن"، - دەپ جازدى جۇماگەلدييەۆ.
ديكيي ارمان "شىندىقتى ءبارى ءبىلسىن" دەپ اشىق سوتتى سۇرادى. ارمان جۇماگەلدييەۆ الماتىدا 2022 جىلعى 7 قاڭتاردا قاڭتار وقيعالارىنان كەيىن ۇستالدى. ول تارتىپسىزدىكتەردى ۇيىمداستىردى، ولارعا قاتىستى، اتىس قارۋىن ۇرلادى، اتىس قارۋىن زاڭسىز ساتىپ الدى نەمەسە الىپ ءجۇردى دەپ ايىپتالىپ وتىر. وعان قاتىستى سوت 2023 جىلعى قازاندا باستالدى، ءبىراق جابىق تۇردە ءوتتى.
