Almatyda báigeden qala kýbogi ótip, at jarys aiasynda Dúniejúzilik kóshpendiler oiyndaryna irikteýdiń ekinshi kezeńi boldy, – dep habarlaidy Dalanews.kz Ulttyq sport qaýymdastyǵynyń baspasóz qyzmetine silteme jasap.
– Osy at jarys aiasynda Astanada ótetin 5-shi Dúniejúzilik kóshpendiler oiyndaryndaǵy – Kunan báige, Top báige, Jorǵa jarys jáne Alaman báigege úzdik jylqylardy iriktep aldyq, – dedi Respýblikalyq «Báige» federatsiiasynyń atqarýshy direktory Altai Bimen.
Qunan baige boiynsha I oryndy Suńqar atty tulpar, shabandozy Abzal Turǵanbek ielendi. II kelgen Baqtory, shabandoz – Dilnur Nurmuqash. Seniorita esimdi jylqy úshinshi keldi. Shabandozy – Abzal Turmys.
Jorǵa jarys qorytyndysy boiynsha I oryndy Akvamarin, shabandoz - Evgenii Chibisov. II oryn– Triýmf, shabandoz – Áliia Toqtasynova. III oryn Professor, shabandoz – Erulan Tileýǵaliuly.
Al Alaman báigeni alǵan Viza esimdi júirik, shabandoz – Álihan Baqythanuly. Ekinshi kelgen Kúreń at, shabandoz – Arnat Murathan. Úshinshi oryn – Álqissa atty tulpar, shabandoz – Mádi Jolshybek.
Eske sala keteiik, Respýblikalyq báige federatsiiasy Qazaqstan Respýblikasy Ulttyq sport qaýymdastyǵynyń quramyna kiredi. Qaýymdastyq quramynda budan ózge kókpar, teńge ilý, aýdaryspaq, jamby atý, sadaq atý, qusbegilik, asyq atý, «JORYQ» at sporty jáne t.b. federatsiialar bar. QR Ulttyq sport qaýymdastyǵyn Islambek Saljanov basqarady.
5-shi Dúniejúzilik kóshpendiler oiyndarynyń Bas demeýshisi – ALAGEUM ELECTRIC, Oiyndardyń Bas seriktesi - Halyk Bank. Astanada ótetin Dúniejúzilik kóshpendiler oiyndarynda barlyǵy 21 sport túrinen 97 medal jiyntyǵy sarapqa salynady.
