الماتىدا بايگەدەن قالا كۋبوگى ءوتىپ، ات جارىس اياسىندا دۇنيەجۇزىلىك كوشپەندىلەر ويىندارىنا ىرىكتەۋدىڭ ەكىنشى كەزەڭى بولدى، – دەپ حابارلايدى Dalanews.kz ۇلتتىق سپورت قاۋىمداستىعىنىڭ باسپا ءسوز قىزمەتىنە سىلتەمە جاساپ.
– وسى ات جارىس اياسىندا استانادا وتەتىن 5ء-شى دۇنيەجۇزىلىك كوشپەندىلەر ويىندارىنداعى – كۇنان بايگە، توپ بايگە، جورعا جارىس جانە الامان بايگەگە ۇزدىك جىلقىلاردى ىرىكتەپ الدىق، – دەدى رەسپۋبليكالىق «بايگە» فەدەراسياسىنىڭ اتقارۋشى ديرەكتورى التاي بيمەن.
قۇنان بايگە بويىنشا ءى ورىندى سۇڭقار اتتى تۇلپار، شاباندوزى ابزال تۇرعانبەك يەلەندى. II كەلگەن باقتورى، شاباندوز – ءدىلنۇر نۇرمۇقاش. سەنيوريتا ەسىمدى جىلقى ءۇشىنشى كەلدى. شاباندوزى – ابزال تۇرمىس.
توپ بايگەدە توپ جارعان جىلقى زىمىران، شاباندوز ارنات مۇراتحان. II ورىندا مايماق، شاباندوز – ابزال تۇرمىس. ءۇشىنشى ورىن – ەرتۇران، شاباندوز – يسلامنۇر ەركوس.
جورعا جارىس قورىتىندىسى بويىنشا I ورىندى اكۆامارين، شاباندوز - ەۆگەنيي چيبيسوۆ. II ورىن– تريۋمف، شاباندوز – ءاليا توقتاسىنوۆا. III ورىن پروفەسسور، شاباندوز – ەرۇلان تىلەۋعالي ۇلى.
ال الامان بايگەنى العان ۆيزا ەسىمدى جۇيرىك، شاباندوز – ءاليحان باقىتحان ۇلى. ەكىنشى كەلگەن كۇرەڭ ات، شاباندوز – ارنات مۇراتحان. ءۇشىنشى ورىن – ءالقيسسا اتتى تۇلپار، شاباندوز – ءمادي جولشىبەك.
ەسكە سالا كەتەيىك، رەسپۋبليكالىق بايگە فەدەراسياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كىرەدى. قاۋىمداستىق قۇرامىندا بۇدان وزگە كوكپار، تەڭگە ءىلۋ، اۋدارىسپاق، جامبى اتۋ، ساداق اتۋ، قۇسبەگىلىك، اسىق اتۋ، «JORYQ» ات سپورتى جانە ت.ب. فەدەراسيالار بار. ق ر ۇلتتىق سپورت قاۋىمداستىعىن يسلامبەك سالجانوۆ باسقارادى.
ايتا كەتەرلىگى، 8-13 قىركۇيەكتە استانا قالاسىندا 5ء-شى دۇنيەجۇزىلىك كوشپەندىلەر ويىندارى وتەدى. ءىس-شاراعا 89 ەلدەن 2000-نان استام سپورتشى قاتىسادى دەپ جوسپارلانۋدا.
5ء-شى دۇنيەجۇزىلىك كوشپەندىلەر ويىندارىنىڭ باس دەمەۋشىسى – ALAGEUM ELECTRIC، ويىنداردىڭ باس سەرىكتەسى - Halyk Bank. استانادا وتەتىن دۇنيەجۇزىلىك كوشپەندىلەر ويىندارىندا بارلىعى 21 سپورت تۇرىنەن 97 مەدال جيىنتىعى ساراپقا سالىنادى.
