2024 jyldyń 8-13 qyrkúıegi aralyǵynda Astanada 5-shi Dúnıejúzilik kóshpendiler oıyndary ótedi. Jarysqa álemniń 89 elinen 2 myńnan astam sportshy qatysady. Sporttyq jarystar men mádenı is-sharalarǵa 100 myńnan astam týrıs keledi dep kútilýde, dep habarlaıdy ákimdiktiń resmı saıty 5-shi Dúnıejúzilik kóshpendiler oıyndarynyń dıreksıasyna silteme jasap, – dep habarlaıdy Dalanews.kz.
Astanada 5-shi Dúnıejúzilik kóshpendiler oıyndarynyń sporttyq baǵdarlamasy aıasynda sporttyń 21 túri boıynsha jarystar ótkizý josparlanǵan.
Olardyń qatarynda at jarysy, ulttyq kúres túrleri, dástúrli zıatkerlik oıyndar, jekpe-jek túrleri boıynsha jarystar, sadaq atý, qustarmen ań aýlaýdyń ulttyq túrleri, at jarystary, halyq oıyndary bar.
Tikeleı Astanada «Kóshpendiler álemi» etnoaýyly ashylady, onda árbir kelýshi qazaq halqynyń mádenıeti men dástúrlerimen, sondaı-aq qatysýshy elderdiń ózindik mádenıetimen tanysa alady.
Kún saıyn etnoaýylǵa elordanyń 10 myńnan astam turǵyny men qonaǵy bara alady. Astanada 5-shi Dúnıejúzilik kóshpendiler oıyndary «Uly Dala dúbiri» uranymen ótedi.
Sonymen qatar 5-shi Dúnıejúzilik kóshpendiler oıyndary aıasynda 9-11 qyrkúıekte Ulttyq mýzeıde «Kóshpendiler: tarıh, bilim, sabaqtar» atty halyqaralyq ǵylymı-praktıkalyq konferensıa ótedi. Konferensıa «Tarıh jáne mádenıet», «Sport ǵylymy» jáne «Ortalyq Azıa kóshpendileriniń tamaqtanýy» seksıalarynan turady.
