Boljamǵa sáikes, el ekonomikasy 2025 jyly munai óndirisiniń ulǵaiýy jáne fiskaldyq qoldaýdyń jalǵasýy nátijesinde 4,5-5%-ǵa ósýi múmkin. Sonymen qatar, infliatsiia deńgeii 2025 jyly 7,5-8%-ǵa deiin jáne 2026 jyly, tipti 6%-ǵa deiin birtindep tómendeidi dep boljanady. Sonymen qatar, fiskaldyq sharalardyń keńeiýi men valiýta qubylmalylyǵynyń artýy infliatsiialyq qysymdy maqsatty deńgeiden joǵary ustap tura alady, delingen DB taldaýynda.
Dúniejúzilik banktiń Qazaqstandaǵy turaqty ókili Andrei Mihnevtiń aitýynsha, 2025-2026 jyldary da biýdjet tapshylyǵy máselesi ózektilik tanytyp, Qazaqstannyń fiskaldyq saiasaty yntalandyrýshy róldi ary qarai jalǵastyrady.
"Memlekettik qaryz basqarýǵa jatyp, fiskaldyq tapshylyqtardy jabý úshin ishten qaryz alý jáne Qazaqstan Respýblikasynyń Ulttyq qorynan qarajat alý sipatyndaǵy táýekeldiń artýy qordyń uzaqmerzimdi turaqtylyǵyna qatysty alańdaýshylyq týǵyzady. Bul baiandamada biz fiskaldyq tártiptiń jáne osy máselelerdi sheshý úshin kiris kózderin ártaraptandyrýdyń mańyzdylyǵyn atap ótkimiz keledi", - deidi ol.
Budan bólek, Qazaqstannyń salyq kiristeri basqa elderdiń uqsas kórsetkishterinen edáýir artta qalyp otyr, solaisha negizgi memlekettik qyzmetter men uzaqmerzimdi basymdyqtardy qarjylandyrýdy shekteýde. Baiandamanyń arnaiy bóliminde kiristerdi jumyldyrý boiynsha reformalar da talqylanady.
Sonymen qatar baiandamada fiskaldyq máselelerdi sheshýge arnalǵan salyq reformasynyń keshendi baǵdarlamasy tanystyrylady. Atap aitqanda, bul reformalarǵa progressivti tabys salyǵy júiesine kóshý, tiimsiz salyq jeńildikterin kezeń-kezeńimen tyiý, QQS boiynsha reformalar, aktsizdik salyqtardy ekologiialyq maqsattarǵa sáikestendirý jáne salyqtyq ákimshilendirýdi jaqsartý enedi.
"Qujatta Qazaqstandaǵy infraqurylymnyń jai-kúii ónimdilikti arttyrý jáne úzdiksiz ári tiimdi memlekettik qyzmetterdi qamtamasyz etý úshin atalǵan salaǵa bólinetin memlekettik investitsiialar kólemin ulǵaitýdy talap etetini atap kórsetilgen. Osyǵan súiene otyryp, damýdyń uzaqmerzimdi basymdyqtaryna qajetti qarjylandyrý úshin fiskaldyq kiristerdi ulǵaitý óte mańyzdy", - dep sanaidy Dúniejúzilik bank mamandary.
Buǵan deiin saitymyzda "Endi Ulttyq qordan da, syrttan da kóp aqsha almaimyz - sarapshy" degen maqala jariialanǵan bolatyn. Bul maqalada Dúniejúzilik bank jariialaǵan "Kazakhstan Economic Update" atty kezekti esebine ekonomist Ǵalymjan Aitqazin taldaý júrgizedi. Sondai-aq "Infliatsiia boljamdy kórsetkishten asyp túsip, sarapshylar shý etti" degen maqalany oqi otyryńyzdar. Onda 2025 jyly qańtardaǵy derek boiynsha, Qazaqstandaǵy infliatsiia 8,9% quraǵany aitylady.Bul tsifr boljamdy kórsetkishterden de joǵary bolyp, sarapshylar der ýaqytynda shara qabyldamaǵan Ulttyq bankti aiyptady. Al Ulttyq bank elimizde toqtaýsyz ósip jatqan tutynýshylyq nesie buǵan sebep ekenin aitady.
