Kezdesýde sóz alǵan óńir basshysy mereıtoı ıesin quttyqtap, "Ultyn súıgen dara tulǵa" atty shyǵarmashylyq keshtiń sátti ótýine tilegin bildirdi.
– Biz Sizdi jazýshy, dramatýrg, ultymyzdyń bolmys-bitimin sol kúıi keleshekke jetkizýshi retinde, ulttyq ádebıetimizdiń álemdik deńgeıde tanyla túsýine erekshe úles qosyp kele jatqan, óziniń dara joly bar el azamaty retinde maqtan tutamyz. Bıylǵy jyldyń qazan aıynda Ulybrıtanıa astanasy London tórinde lordtar palatasynda arnaıy qabyldaý ótip, «Pesalar jınaǵy» kitabyńyzdyń tusaýy kesilip, «Aqqý jibek» atty pesańyzdyń qoıylymynyń ótýimen Sizdi shyn júrekten quttyqtaımyn, – dedi Janseıit Qanseıituly.
Dýlat Isabekov – qazaq ádebıetinde eshkimge uqsamaıtyn, tyńnan túren salǵan jazýshy. Týyndylarynyń ár sózi tiri, ár sózi máńgilik qozǵalysta. Óıtkeni, Dýlat Isabekov kúrdeli zamannyń tól jazýshysy. Ótken ǵasyrdyń 60-shy jyldary «Jolda» áńgimesi jaryq kórip, keıinen «Beket», «Ashshy bal», «Mazasyz kúnder», «Qara shańyraq», «Tirshilik» povester men áńgimeler jınaqtary jaryq kórse, 80-shi jyldary «Qarǵyn» romany basylyp shyqty.
Kezdesýde sóz alǵan jazýshy Beksultan Nurjekeev, Dýlat Isabekovtiń qazaq ádebıetin damytýǵa qosqan úlesine toqtaldy. Al, aqyn Qazybek Isa halyq jazýshysynyń ómir ǵumyrdarıasynan keńinen sóz qozǵady.
Kezdesýdi qorytqan oblys ákimi mereıtoı ıesi men qonaqtarǵa syı-sıapat jasap, baǵaly syılyqtar tabys etti.
Aıta keteıik, búgin J.Shanın atyndaǵy oblystyq akademıalyq qazaq drama teatrynda Dýlat Isabekovtyń 75 jasqa tolýyna arnalǵan "Ultyn súıgen dara tulǵa" atty shyǵarmashylyq keshi uıymdastyrylmaq. Sonymen qatar, teatr sahnasynda respýblıkalyq uıǵyr mýzykalyq komedıa teatry artıseriniń oryndaýynda jazýshynyń «Muragerler» atty qoıylymy kórermender nazaryna usynylmaq.
OQO ákiminiń baspasóz qyzmeti
