Al aimaqta shekerge tapshy ekenin ákimdiktegilerdiń eshbiri moiyndaǵysy kelmeidi. Shendiler «Saýdagerler qantty tyǵyp otyr» deidi.
Asqar Kókeev, Aqtóbe qalasy kásipkerlik bóliminiń basshysy:
– Qanttyń kóterme baǵasy qymbat. Mysaly, bizde monitoring toby qarap júr. Dúkenshiler shekerin shyǵarmai júr. Negizi, dúkenderde sheker bar.
– Dúkender tyǵyp otyr ma?
– Ondai da múmkin, biraq bar.
Aqtóbedegi shaǵyn dúkender kópten beri qant satýdy qoiǵan. Óitkeni kóterme saýda oryndarynan tabý qiyn.
Shekerdi aimaqqa tasymaldaityn kompaniialarmen keliskenniń ózinde saýdagerler qymbatqa shyǵatynyn aityp otyr.
Baǵaǵa qatysty turǵyndardyń shaǵymymen qala ákimdigi janyndaǵy arnaiy top birneshe dúkenge kirip shyqty. Dúken sóresinde qant joq. Tek jalǵyz bir dúkende ǵana bir qap sheker qalypty.
Onyń kelisin 670 teńgeden satyp jatyr. «Baǵasyn kóterýden basqa amal joq» deidi dúkenshi. Qant pen qosa, aimaqta suiyq mai baǵasy da qymbattaǵan.
– Nege dúkenderge sheker berilmeidi. Qymbat qyp ákelip, qymbat qyp satamyz. Ony halyq «Anvar» men «Dina» bazaryna baryp, ekiniń biri kezekke tura almaidy. Bizge sheker problema. Suiyq maidyń baǵasy taǵy kóterilip jatyr, biletin shyǵarsyzdar, – dedi satýshy Bibigúl Babyrova.
