ال ايماقتا شەكەرگە تاپشى ەكەنٸن ەكٸمدٸكتەگٸلەردٸڭ ەشبٸرٸ مويىنداعىسى كەلمەيدٸ. شەندٸلەر «ساۋداگەرلەر قانتتى تىعىپ وتىر» دەيدٸ.
اسقار كٶكەەۆ, اقتٶبە قالاسى كەسٸپكەرلٸك بٶلٸمٸنٸڭ باسشىسى:
– قانتتىڭ كٶتەرمە باعاسى قىمبات. مىسالى, بٸزدە مونيتورينگ توبى قاراپ جٷر. دٷكەنشٸلەر شەكەرٸن شىعارماي جٷر. نەگٸزٸ, دٷكەندەردە شەكەر بار.
– دٷكەندەر تىعىپ وتىر ما?
– ونداي دا مٷمكٸن, بٸراق بار.
اقتٶبەدەگٸ شاعىن دٷكەندەر كٶپتەن بەرٸ قانت ساتۋدى قويعان. ٶيتكەنٸ كٶتەرمە ساۋدا ورىندارىنان تابۋ قيىن.
شەكەردٸ ايماققا تاسىمالدايتىن كومپانييالارمەن كەلٸسكەننٸڭ ٶزٸندە ساۋداگەرلەر قىمباتقا شىعاتىنىن ايتىپ وتىر.
باعاعا قاتىستى تۇرعىنداردىڭ شاعىمىمەن قالا ەكٸمدٸگٸ جانىنداعى ارنايى توپ بٸرنەشە دٷكەنگە كٸرٸپ شىقتى. دٷكەن سٶرەسٸندە قانت جوق. تەك جالعىز بٸر دٷكەندە عانا بٸر قاپ شەكەر قالىپتى.
ونىڭ كەلٸسٸن 670 تەڭگەدەن ساتىپ جاتىر. «باعاسىن كٶتەرۋدەن باسقا امال جوق» دەيدٸ دٷكەنشٸ. قانت پەن قوسا, ايماقتا سۇيىق ماي باعاسى دا قىمباتتاعان.
– نەگە دٷكەندەرگە شەكەر بەرٸلمەيدٸ. قىمبات قىپ ەكەلٸپ, قىمبات قىپ ساتامىز. ونى حالىق «انۆار» مەن «دينا» بازارىنا بارىپ, ەكٸنٸڭ بٸرٸ كەزەككە تۇرا المايدى. بٸزگە شەكەر پروبلەما. سۇيىق مايدىڭ باعاسى تاعى كٶتەرٸلٸپ جاتىر, بٸلەتٸن شىعارسىزدار, – دەدٸ ساتۋشى بيبٸگٷل بابىروۆا.
