Dýbaida ómir boiyna bas bostandyǵynan aiyrylǵan qazaqstandyq azamatty elge ekstraditsiialaý máselesi ázirge qarastyrylyp jatqan joq. Bul týraly syrtqy ister ministriniń orynbasary Álibek Bakaev málimdedi, dep habarlaidy Dalanews.kz.
Májilis dálizinde jýrnalister shetelde sottalǵan azamatty ekstraditsiialaý múmkindigi týraly surady.
Vitse-ministrdiń aitýynsha, bul - Dýbai qalasynyń birinshi satydaǵy sotynyń sheshimi, qazir apelliatsiialyq shaǵym berilgen.
Onyń sózinshe, aldymen sot protsesi tolyq aiaqtalýy kerek, sodan keiin ǵana naqty sheshim qabyldanady.
Sondai-aq, bul másele Birikken Arab Ámirlikteriniń zańnamasyna sáikes qaralatyny aityldy. Qazir isti advokattar men Qazaqstannyń Bas konsýldyǵy baqylaýda ustap otyr.
Eske salaiyq, buǵan deiin Dýbaida 22 jastaǵy qazaqstandyq ómir boiyna bas bostandyǵynan aiyrylǵanyn jazdyq.
