Qazaqstanda dropperlerdiń banktik esepshottary arqyly 112 mlrd teńge ainalymnan ótken. Bul týraly Qarjylyq monitoring agenttigi málimdedi, dep habarlaidy dalanews.kz.
Vedomstvonyń málimetinshe, sońǵy eki aida 1 myńnan astam drop-karta buǵattalǵan.
Batys Qazaqstan oblysynda halyqaralyq «dropovodtar» jelisiniń zańsyz qyzmeti toqtatyldy. Tergeý barysynda shamamen 17 mln teńge ótken banktik esepshottar buǵattalǵannan keiin kúdiktiler 18 jastaǵy esepshot iesin urlap áketip, kúsh qoldanamyz dep qorqytyp, shottarǵa qoljetimdilikti qaita qalpyna keltirýdi talap etkeni anyqtaldy.
Al Jetisý oblysynda jergilikti turǵyn kýratorlardyń nusqaýymen óziniń jeke banktik esepshottaryn internet-alaiaqtyq arqyly alynǵan qarajatty qabyldap, keiin ony uiymdastyrýshylarǵa aýdarý úshin paidalanǵan.
Sondai-aq Túrkistan oblysynda Telegram arqyly stýdentter men kámeletke tolmaǵandar aqshalai syiaqy úshin internet-bankingke qoljetimdilikti berýge tartylǵan. Sonyń saldarynan 20-dan astam jas azamatqa qatysty tergeý bastaldy.
