Qarjylyq monitoring agenttigi 2024 jyldy qorytyndylai kele, qylmyskerler óz kiristerin zańdastyrý úshin jeke tulǵalardy belsendi túrde paidalanǵanyn naqtylaidy. Máselen,6,2 myń "drop kartalar" arqyly jylystatylǵan qylmystyq aqsha ainalymy 24 mlrd teńgeni qurady. Al "droptarǵa" elimizdiń osal toptary ókilderi tartylǵan, dep jazady Dalanews.kz.
Bul arada myna eki sózge túsinikteme bere ketelik:
- Droptar – bul banktik kartalar men shottardy rásimdeý úshin qoldanylatyn jalǵan tulǵalar.
- Internet-bankingke qashyqtan qol jetkizý maqsatynda kásibi jylystaýshylar úshinshi tulǵalarǵa tirkelgen bailanys operatorlarynyń SIM kartalaryn paidalanǵan.
Kóbinese "drop-kartalar" esirtki saýdasy, kiberalaiaqtyq, zańsyz qumar oiyndar jáne basqa da qylmystyq áreketterge bailanysty shemalarda qoldanylady.
"Is júzinde "droptar" dep atalatyndar halyqtyń osal toptaryna jatatyn adamdar boldy (jumyssyzdar, stýdentter, zeinetkerler jáne basqalar), olar qylmystyq shemalardaǵy rólderiniń barlyq saldaryn túsinbeidi. Mundai kartalardyń ieleriniń 90%-dan astamy rezident emes tulǵalar bolǵan. Olar týraly aqparat sheteldik memleketterdiń quqyq qorǵaý organdaryna berildi", delingen QMA habarlamasynda.
Mundai zańsyz áreketterdi boldyrmaý úshin Qarjylyq monitoring agenttigi ýákiletti organdarmen birlesip kelesi sharalardy qabyldady:
- banktik kartalardy úshinshi tulǵalarǵa berý úshin ákimshilik jáne qylmystyq jaýapkershilikti kúsheitýge baǵyttalǵan zańnamalyq ózgerister bastamashylyq etildi;
- kúdikti shottardaǵy qarajatty "toqtatý" jáne qashyqtyqtan banktik qyzmet kórsetýdi óshirý mehanizmi engizildi;
- bir klientke beriletin banktik kartalardyń sanyn shekteý jáne 10 nemese odan da kóp kartalary bar klientterge tekserister kúsheitildi;
- kúdikti operatsiialardy anyqtaý jáne kúmándi klientterdi qarjy monitoringiniń sýbektileriniń qyzmetterinen ajyratý úshin tipologiialar ázirlendi.
QMA onlain dialog arqyly beitanys azamattar nemese kompaniianyń ókilderi habarlasyp, shotyńyzǵa syiaqyǵa aqsha aýdaryp, eselep ońai aqsha tabýdy usynǵan jaǵdaida qyraǵylyq tanytyp, ózińizdi qylmystyq shemanyń múshesi bolýdan saqtańyz.
