Dostyq jáne birliktiń belgisi

Dalanews 26 qyr. 2015 02:47 115

 

Qazaq handyǵynyń 550 jyldyǵyn toılaý aıasynda jáne Qurban aıtqa oraı  Mıchýrın balalar úıinde «Dostyq, týysqandyq jáne birliktiń belgisi» atty merekelik shara ótti. Qaıyrymdylyq aksıanyń uıymdastyrýshylary Pavlodar qalasy daryndy er balalarǵa arnalǵan qazaq-túrik lıseıiniń 8 «a» synyp jetekshisi Osman Demırel jáne ata-analar komıteti.  Mereke ósip kele jatqan jas urpaqtardyń patrıottyq sezimin damytýǵa, otbasylyq qundylyqty nasıhattaýǵa jáne jetim balalarǵa qaıyrymdylyq kómegin kórsetýge baǵyttalǵan.            Ekıbastýz (1)

Balalar úıiniń tárbıelenýshileri mekeme dırektory Gúlmıra Bashırovanyń jetekshiligimen kelgen qonaqtarǵa ózderiniń turǵan úılerin kórsetip, ekskýrsıa ótkizdi. Ólketaný úıirmesiniń músheleri Chernoresk balalar úıiniń 70 jyldyǵyna jınalǵan materıaldarǵa baı murajaımen tanystyrdy.

Tanysyp bolǵan soń, balalar úıiniń tárbıelenýshileri men lıseılikterdiń birikken konserti ótti. Qazaq-túrik lıseıiniń 8 «a» synyp oqýshylary ózderiniń bilimdi ekenin kórsetýmen qatar, ulttyq aspaptarda oınaıtyndyqtaryn kórsete aldy. Jáne olardyń tárbıeshileri Qanat Ertaev úıretken «Halaı» túrik bıimen zaldy kóńildendirdi.

Óz kezegine qonaqtardyń aldynda «Steps» horeografıalyq toby men  respýblıkalyq «Tańsholpan» baıqaýynyń laýreaty Dáýlet Ahanov, keremet bıimen, «Jasa, Qazaqstan» ánimen qarsy aldy.

QTL-dyń ata-analary barlyq balalarǵa oıyn-saýyq baǵdarlamasyn syıǵa tartty. Bul ánshi Maýsym men ıllúzıonıst-fokýsshy Eldardyń kórsetilimi edi. Olar merekege jarqyn boıaýlar qosyp, kórermenderdi ózderiniń fokýstarymen, qoıylymdarymen tańǵaldyryp, ǵajaıyp bir dúnıege engizgendeı boldy.

Ekıbastýz (2)

Shara otbasy kúnine arnalǵan «Ákem, sheshem jáne men  – sporttyq otbasy» estafetasymen jalǵasty. Balalar úıiniń stadıonynda tárbıeshiler, ata-analar jáne balalar jarysyp, kóńildi toptyq rýhty, ózara kómek kórsetýdi, januıa birligin jáne jeńýdi aldyna qoıý sıaqty qasıetterdi kórsete bildi. Tepe-teń túsken saıysta dostyq jeńdi.

Atalǵan merekeniń qorytyndysy bolyp, balalar úıiniń ashanasynda lıseılikterdiń analary daıyndaǵan mol dastarqan jaıyldy. Ústelde dastarqan mázirinde qoldan jasalǵan qazaq ulttyq taǵamdary, tátti-dámdilerdiń túr-túri boldy. Uly meıramdar qarsańynda, úlken otbasy bolyp jınalǵan baı dastarqannyń basynda árdaıym beıbitshilik, qut-bereke, dostyq jáne birlik bolsyn degen tilekter aıtyldy.

Jazıra Syzdyqova (ata-ana)

 

 

 

 

 


Usynylǵan
Sońǵy jańalyqtar
x