Almatydaǵy Ál-Farabi dańǵylynda bolǵan adam ólimimen aiaqtalǵan jol apatyna qatysty is sotqa jiberildi, dep habarlaidy dalanews.kz.
Bul týraly jábirlenýshi tarapty advokaty Oleg Chernov habarlady.
Is boiynsha aldyn ala sot otyrysy 28 mamyr kúni saǵat 15:00-de Almaty qalasynyń mamandandyrylǵan aýdanaralyq qylmystyq sotynda ótedi.
Eske salaiyq, qaiǵyly jol apaty 21 naýryzǵa qaraǵan túni bolǵan. Apat saldarynan Mercedes kóliginiń júrgizýshisi men 20 jáne 22 jastaǵy eki qyz kóz jumdy.
Al Zeekr kóligin basqarǵan júrgizýshi mas kúide bolǵany anyqtalǵan.
Aita keteiik, Almatyda Ál-Farabi dańǵylynyń boiyna arnaiy jol qorshaýlaryn ornatý týraly petitsiia jariialanǵan bolatyn. Qujat Almaty qalasy ákiminiń apparatyna joldanǵan.
