Qalalyq krımınaldyq polısıa basqarmasynyń habarlaýynsha, eki jaǵdaıda "Dostar Med" jáne "Suńqar" jeke medısınalyq ortalyqtardyń qyzmetkerleri jalǵan qujattar jasaǵany úshin ustaldy, sonymen qatar medısınalyq qyzmetkerlerdiń vaksınalaý tólqujatyn satqany jáne vaksınalardy №4 emhanada zańsyz joıǵany anyqtaldy.
Birinshi jaǵdaıda, klınıkadaǵy zerthana qyzmetkeri, ortalyqtyń eki medbıkesiniń kómegimen aqshalaı syıaqyǵa PTR-test boıynsha bıomaterıal almaı-aq teris nátıje belgileýdi uıymdastyrdy.
Biraz ýaqyttan keıin "Suńqar" medısınalyq ortalyǵynyń buryn alaıaqtyq jasaǵany úshin qylmystyq jaýapkershilikke tartylǵan endoskopıst-dárigeri ustaldy.
Jeke tintý kezinde PSR-test anyqtama qaǵazy, sondaı-aq aqsha prosesýaldyq tártipte tárkilenip alyndy.
Sonymen qatar No4 qalalyq emhananyń aǵa meıirbıkesi ustaldy, ol 15 myń teńge kóleminde aqshalaı syıaqy úshin vaksına alǵany týraly jýrnalǵa ótirik tirkeýmen aınalysqanyn moıyndady. Bul faktiler QR Qylmystyq kodekstiń 385-baby boıynsha sotqa deıingi tergeýdiń biryńǵaı tizilimine engizildi. Tergeý jalǵasýda.
https://youtu.be/Wpr1dwZ3i_o
