قالالىق كريمينالدىق پوليسيا باسقارماسىنىڭ حابارلاۋىنشا، ەكى جاعدايدا "دوستار مەد" جانە "سۇڭقار" جەكە مەديسينالىق ورتالىقتاردىڭ قىزمەتكەرلەرى جالعان قۇجاتتار جاساعانى ءۇشىن ۇستالدى، سونىمەن قاتار مەديسينالىق قىزمەتكەرلەردىڭ ۆاكسينالاۋ ءتولقۇجاتىن ساتقانى جانە ۆاكسينالاردى №4 ەمحانادا زاڭسىز جويعانى انىقتالدى.
ءبىرىنشى جاعدايدا، كلينيكاداعى زەرتحانا قىزمەتكەرى، ورتالىقتىڭ ەكى مەدبيكەسىنىڭ كومەگىمەن اقشالاي سىياقىعا پتر-تەست بويىنشا بيوماتەريال الماي-اق تەرىس ناتيجە بەلگىلەۋدى ۇيىمداستىردى.
ءبىراز ۋاقىتتان كەيىن "سۇڭقار" مەديسينالىق ورتالىعىنىڭ بۇرىن الاياقتىق جاساعانى ءۇشىن قىلمىستىق جاۋاپكەرشىلىككە تارتىلعان ەندوسكوپيست-دارىگەرى ۇستالدى.
جەكە ءتىنتۋ كەزىندە پسر-تەست انىقتاما قاعازى، سونداي-اق اقشا پروسەسسۋالدىق تارتىپتە تاركىلەنىپ الىندى.
سونىمەن قاتار No4 قالالىق ەمحانانىڭ اعا مەيىربيكەسى ۇستالدى، ول 15 مىڭ تەڭگە كولەمىندە اقشالاي سىياقى ءۇشىن ۆاكسينا العانى تۋرالى جۋرنالعا وتىرىك تىركەۋمەن اينالىسقانىن مويىندادى. بۇل فاكتىلەر ق ر قىلمىستىق كودەكستىڭ 385-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلدى. تەرگەۋ جالعاسۋدا.
https://youtu.be/Wpr1dwZ3i_o
