Erbolat Dosaev Almaty qalasynyń ákimi laýazymynan bosatyldy, dep habarlaidy Dalanews.kz.
"Memleket basshysynyń Jarlyǵymen Erbolat Asqarbekuly Dosaev Almaty qalasynyń ákimi laýazymynan bosatyldy", - dep jazylǵan habarlamada.
Erbolat Dosaev 1970 jylǵy 21 mamyrda Almaty qalasynda dúniege kelgen.1987 jyly Almaty qalasyndaǵy O.Jáýtikov atyndaǵy Respýblikalyq fizika-matematikalyq mektep-internatyn bitirdi. Almaty energetikalyq institýtyn, Baýman atyndaǵy Máskeý Memlekettik tehnikalyq ýniversitetin bitirdi.
Buǵan deiin birneshe salada qyzmet atqarǵan:
- 1997 j. – "Turan Álem Banki" JAQ Basqarma Tóraǵasynyń orynbasary, "ATF Bank" JAQ Basqarma Tóraǵasy;
- 1998 j. – Qazaqstan Respýblikasy premer-ministriniń keńesshisi;
- 1998 j. – Qazaqstan Respýblikasynyń energetika, indýstriia jáne saýda vitse-ministri;
- 2000 j. – Qazaqstan Respýblikasynyń qarjy vitse-ministri;
- 2001 j. – Qazaqstannyń Damý banki direktorlar keńesiniń tóraǵasy;
- 2001-2003 jj. – Qazaqstan Respýblikasynyń Tabiǵi monopoliialar, básekelestikti qorǵaý jáne shaǵyn biznesti qoldaý agenttiginiń tóraǵasy;
- 2003-2004 jj. – Qazaqstan Respýblikasynyń qarjy ministri; Qazaqstandaǵy Eýropalyq qaita qurý jáne damý bankiniń (EQDB) basqarýshysy; Qazaqstan Respýblikasy Ulttyq Bankiniń Basqarma múshesi;
- 2004-2006 jj. – Qazaqstan Respýblikasynyń densaýlyq saqtaý ministri;
- 2006-2012 jj. "Qazinvestbank" AQ Direktorlar keńesiniń Tóraǵasy;
- 2012 jylǵy 25 qyrkúiekten bastap – Qazaqstan Respýblikasynyń ekonomikalyq damý jáne saýda ministri.
- 2013 jylǵy 16 qańtardan bastap – Qazaqstan Respýblikasynyń ekonomika jáne biýdjettik josparlaý ministri.
- 2014 jylǵy 6 tamyzda Qazaqstan Respýblikasynyń ulttyq ekonomika ministri bolyp taǵaiyndaldy.
- 2016 jylǵy mamyrdan bastap 2017 jylǵy tamyz aralyǵynda – "Báiterek" ulttyq basqarýshy holdingi" aktsionerlik qoǵamynyń Basqarma Tóraǵasy.
- 2017 jylǵy tamyzdan bastap 2019 jylǵy aqpan aralyǵynda Qazaqstan Respýblikasy premer-ministriniń orynbasary laýazymynda jumys istedi.
- 2019 jylǵy 25 aqpanynan bastap 2022 jylǵy qańtar aralyǵynda – Qazaqstan Respýblikasy Ulttyq Bankiniń tóraǵasy.
- 2022 jylǵy 31 qańtarynan bastap Prezident Jarlyǵymen Almaty qalasynyń ákimi bolyp taǵaiyndaldy.
"Qurmet", "Parasat" ordenderimen, "Qazaqstan Konstitýtsiiasyna 20 jyl" merekelik medalimen marapattalǵan.
