Búkilálemdik boks uıymy (WBO) orta salmaqtaǵy álem chempıony Jánibek Álimhanulyn dopıngke baılanysty bir jylǵa jarystardan shettetti, dep habarlaıdy Dalanews.kz.

Shettetý merzimi keri eseppen 2025 jylǵy 2 jeltoqsannan bastap júrip jatyr.

Qabyldanǵan sheshimge qaramastan, Álimhanuly chempıondyq belbeýinen aıyrylǵan joq. Ol orta salmaqtaǵy WBO chempıony ataǵyn saqtap qalady.

Jánibek Álimhanuly ýaqytsha rıngten shet qalǵandyqtan, WBO osy kezeńde orta salmaqtaǵy ýaqytsha chempıondy anyqtaý úshin Denzel Bentlı men Endrı Saavedraǵa jekpe-jek ótkizýge ruqsat berdi.

Jánibek Álimhanuly jarysqa qaıta oralǵan soń, osy kezdesýdiń jeńimpazymen belbeýlerdi biriktirý úshin jekpe-jek ótkizýge mindetti bolady.

Eske salaıyq, Jánibek Álimhanuly 6 jeltoqsanda Kýba boksshysy Erıslandı Laramen jekpe-jekke shyǵýy tıis edi. Alaıda kezdesý bolmaıtyny resmı túrde habarlandy. Buǵan sebep: qazaqstandyq boksshynyń analızinen tyıym salynǵan preparat tabylǵan.

Keıinirek týrızm jáne sport vıse-mınıstri Serik Jarasbaev boksshy Jánibek Álimhanulyna qatysty dopıng daýyna pikir bildirdi.