بٷكٸلەلەمدٸك بوكس ۇيىمى (WBO) ورتا سالماقتاعى ەلەم چەمپيونى جەنٸبەك ەلٸمحانۇلىن دوپينگكە بايلانىستى بٸر جىلعا جارىستاردان شەتتەتتٸ, دەپ حابارلايدى Dalanews.kz.
شەتتەتۋ مەرزٸمٸ كەرٸ ەسەپپەن 2025 جىلعى 2 جەلتوقساننان باستاپ جٷرٸپ جاتىر.
قابىلدانعان شەشٸمگە قاراماستان, ەلٸمحانۇلى چەمپيوندىق بەلبەۋٸنەن ايىرىلعان جوق. ول ورتا سالماقتاعى WBO چەمپيونى اتاعىن ساقتاپ قالادى.
جەنٸبەك ەلٸمحانۇلى ۋاقىتشا رينگتەن شەت قالعاندىقتان, WBO وسى كەزەڭدە ورتا سالماقتاعى ۋاقىتشا چەمپيوندى انىقتاۋ ٷشٸن دەنزەل بەنتلي مەن ەندري سااۆەدراعا جەكپە-جەك ٶتكٸزۋگە رۇقسات بەردٸ.
جەنٸبەك ەلٸمحانۇلى جارىسقا قايتا ورالعان سوڭ, وسى كەزدەسۋدٸڭ جەڭٸمپازىمەن بەلبەۋلەردٸ بٸرٸكتٸرۋ ٷشٸن جەكپە-جەك ٶتكٸزۋگە مٸندەتتٸ بولادى.
ەسكە سالايىق, جەنٸبەك ەلٸمحانۇلى 6 جەلتوقساندا كۋبا بوكسشىسى ەريسلاندي لارامەن جەكپە-جەككە شىعۋى تيٸس ەدٸ. الايدا كەزدەسۋ بولمايتىنى رەسمي تٷردە حابارلاندى. بۇعان سەبەپ: قازاقستاندىق بوكسشىنىڭ اناليزٸنەن تىيىم سالىنعان پرەپارات تابىلعان.
كەيٸنٸرەك تۋريزم جەنە سپورت ۆيتسە-مينيسترٸ سەرٸك جاراسباەۆ بوكسشى جەنٸبەك ەلٸمحانۇلىنا قاتىستى دوپينگ داۋىنا پٸكٸر بٸلدٸردٸ.
