Dárigerler brigadasy bar meditsinalyq poiyz Astanadan 147 shalǵai aýyl turǵyndaryna tegin ambýlatoriialyq kómek kórsetý úshin jolǵa shyqty, dep habarlaidy Dalanews.kz.
QR Densaýlyq saqtaý ministrliginiń aqparaty boiynsha, osy jyly «Dóńgelektegi emhana» óz jumysyn sý tasqynynan zardap shekken batys óńirlerden bastaidy jáne 90 myń aýyl turǵyndaryn meditsinalyq qyzmettermen qamtýǵa baǵyttalǵan.
«Jobanyń arqasynda stantsiialardyń jáne oǵan irgeles eldi mekenderdiń turǵyndary bilikti dárigerlerden konsýltatsiia alyp, tekserile alady. Biyl alǵash ret mammograf satyp alyndy, onyń qyzmetteri de halyqqa qoljetimdi bolady. Poiyz jumysyna 14 arnaiy maman qatysady. Poiyz qyzmetiniń arqasynda patologiiany erte kezeńde anyqtaý múmkindigi artyp keledi», - dedi Densaýlyq saqtaý birinshi vitse-ministri Timýr Sultanǵaziev meditsinalyq poiyzdy shyǵaryp salý rásiminde.
Dárigerlik brigadanyń quramynda terapevt, hirýrg, pediatr, psiholog, nevropatolog, ýltradybystyq diagnostika mamany, jalpy praktika dárigeri, rentgenolog, kardiolog, stomatolog, oftalmolog, otolaringolog, onkolog-mammolog, ginekolog jáne ýrolog meditsinalyq kómek kórsetedi.
Konsýltatsiialyq-diagnostikalyq kómekten basqa, meditsinalyq poiyz mamandary shaǵyn operatsiialar júrgize alady, statsionarlarǵa josparly emdelýge joldama bere alady.
Meditsinalyq brigada árbir stantsiiada orta eseppen 1-2 kún bolady.
