– Halyq ne dese, sol desin: qazaq qoǵamy qalai, aitys ta sondai. Bizdiń qoǵamda qazir neshe túrli dini sektalar jumys istep jatyr. Olar mańaiyn úiirip áketedi. Ásirese, sanasy qataimaǵan jastar sońyna tez túsip ketip jatady. Sholaq balaq shalbar kigender, saqal qoiǵandar degendei.
Álemde islam dininiń 73 túrli aǵymy bar eken. Qazaqstanda da biraz aǵymy bar sonyń. Solar aitysqa qalai áser etpesin?
Qazaqstanda aitysyp júrgen 300-dei aqyndy bilemiz. Sonyń ishinde ártúrli aǵymdaǵylary bar.
Tipti kórnekti aqyndarymyzdyń sol jolǵa túsip ketýine sebepker bolǵan beldi-beldi, múmkindigi bar azamattarymyz da barshylyq.
Solardyń kesirinen, dombyra haram deitin aqyndarymyz shyqty. Aitysqa solardyń kesiri tidi. Olardy aitystan shettettik. Óitkeni, biz aitysty dini saiasattyń qoljaýlyǵy ete almaimyz. Sóitip, qazir ózderiniń durys jolǵa túspegenderin sezgender óleńge qaityp kelip jatyr.
Sońǵy bir aidyń ishinde aitystan shettep júrgen Balǵynbek Imashev, Jandarbek Bulǵaqov, Syrym Áýezhan siiaqty aqyndarymyz óziniń odaǵyna qaityp kelip, «Biz jazdyq, jańyldyq. Bizdi aitysqa shyǵar» dep otyr. Biz olardy odaqqa qosyp jatyrmyz.
Mine, osyndai ýaqytsha jiktelý boldy. «Ondai bolǵan joq» dep jaýyrdy jaba toqi almaimyn. Biraq «Adasqannyń aiyby joq, qaityp úiirin tapqan soń» degen ǵoi.
Biyl sol aqyndar úlken aitystarǵa qatysady. Aqynnyń sózi – Qudaidyń syiy, halyqtyń qazynasy. Ondai talantty aǵym men izimderdiń jetegine jiberýge bolmaidy. Biz sol úshin kúrestik. Oń nátijesin berip jatyr.
Saýaldasqan, Jaras Kemeljan
