Ulttyq banktiń tańerteń ǵana bekitken resmi baǵamy 527,58 teńge bolǵan 1 AQSh dollary búgingi KASE birjasynda saýda-sattyqta, iaǵni dál qazir 519 teńgege deiin álsiredi ári bul tómendeý áli de jalǵasyn tabatyn sekildi, dep jazady Dalanews.kz.
Sońǵy kezderi álsireýmen bolǵan ulttyq valiýtaǵa kúsh bergen ne nárse? Munyń mánisin Tengenomika Telegram arnasynyń avtory Ǵalymjan Aitqazin bylai túsindiredi:
"AQSh dollarynyń aiyrbas baǵamynda keshe nyǵaiǵan rýbldiń izin teńge de basyp, ýaqyt sanap kúsh ala bastady. Resei rýbliniń keshegi nyǵaiýy, eń aldymen, mynandai faktorlarmen bailanysty:
- Tramptyń qyzmetine kirisýi (alǵashqy jarlyqtarda Resei Federatsiiasy qamtylmady);
- Ýkraina boiynsha aldaǵy kelissózder aiasynda geosaiasi syni qaýip-qaterlerdiń tómendeýi;
- Resei Federatsiiasy ortalyq bankiniń biýdjettik ereje boiynsha 15 qańtardan 6 aqpanǵa deiin naryqtaǵy valiýta usynysyn ulǵaitý týraly sheshimi;
- salyq kezeńi: eksporttaýshylar salyqty rýblmen tóleý úshin valiýtalar sata bastaidy;
- maýsymdyq sipat, iaǵni jyl basynda importtaýshylar tarapynan shetel valiýtasyna degen suranys dástúrli túrde tómen bolady;
- sanktsiialarǵa qaramastan jeltoqsandaǵy Resei biýdjetiniń rekordtyq kiristeri, ásirese munai-gaz sektorynan bólek kirister".
"Osylaisha, teńgeniń rýblmen qatar sinhrondy túrdegi qubylysy KASE birjasyndaǵy naryq qatysýshylarynyń baǵdaryn kezekti ret rastaidy. Bul áser, biz birneshe ret baiqaǵanymyzdai, bir saýda kúninde bolady. Bir qyzyǵy, sońǵy kúnderi munai baǵamy birshama tómendedi, al onyń teńge baǵamyna áserin baiqap otyrǵan joqpyz. Demek, teńgedegi ózgeris reseilik rýblge jaltaqtaǵan kúide bolyp jatqany aiqyny, al bul jaqsy ma, joq pa, ol jaǵyn bilmedik" dep jazady sarapshy.
Aita ketsek, 2025 jyly 6 qańtarda Ulttyq bank teńgeniń álsireýine ne túrtki ekenin aitqan bolatyn. Óz sózinde QR Ulttyq bank tóraǵasynyń orynbasary Áliia Moldabekova: "...Qazirgi jaǵdaidaǵy Resei rýbliniń dinamikasy baǵdar bolmaýǵa tiis jáne ol naryqtyń shamadan tys reaktsiiasyna yqpal etýi múmkin. Al bul jergilikti naryqta baǵamnyń qalyptasýyn burmalap, artyq qubylmalylyqqa ákeledi. Qazirgi ýaqytta bizdiń elderimizdiń naryqtary ártúrli jaǵdaida jumys isteitini anyq. Sondyqtan osy jaǵdailarda Resei rýbliniń AQSh dollaryna qatysty kúrt aýytqýy teńge/dollar aiyrbastaý baǵamynda kórinbeýi kerek, óitkeni ol irgeli ekonomikalyq shyndyqqa sáikes kelmeidi", degen edi.
