Aqbaian Muqanǵalievanyń jaqyndary onyń Sultan Sársemálievpen qalai tanysqanyn jáne otbasylyq ómirinde qandai qiyndyqtar bolǵanyn aityp berdi, dep habarlaidy dalanews.kz
Týystarynyń aitýynsha, Aqbaian mektepti aiaqtaǵan soń Aqtóbe qalasynda zańger mamandyǵy boiynsha bilim alǵan. Keiin Atyraý qalasyna kóship baryp, jármeńkede jumys istegen. Dál sol jerde ol bolashaq kúieýi Sultanmen tanysqan.
Aqbaian men Sultan 2016 jyly shańyraq kótergen. Alaida olardyń úilený toiy dástúrli úlken toi túrinde ótpegen. Jaqyndarynyń sózinshe, jigit jaǵy qyz alyp qashqan. Keiin eki tarap ózara kelisip, shaǵyn dastarhan basynda tanystyq ótkizgen. Bul nekeden bes bala dúniege kelgen.
Qazir Atyraýda Sultan Sársemálievke qatysty ekinshi sot protsesi ótip jatyr.
Aiyptaý aktisine sáikes, Sársemáliev Naýryz Muqanǵaliev, Maqsot Qarabalin, Nasip Óteshqalieva jáne Miramgúl Qarabalinany óltirdi degen kúdikpen aiyptalyp otyr.
Tergeý nusqasy boiynsha, kúdikti qylmystan keiin marqumdardyń denelerin jasyrǵan. Sondai-aq olardyń uialy telefondaryn, bank shottaryn paidalanǵany jáne nesie rásimdegeni aitylady. Keiin ol Qazaqstan aýmaǵynan shyǵyp ketken. Alaida quqyq qorǵaý organdary ony Indoneziiada ustaǵan.
