Sársenbige kelgen Rıo Olımpıadasynyń besinshi kúni Qazaqstan úshin sátti boldy. Qazaq eli komandasynyń qorjyny eki altyn jáne bir kúmis medalmen tolyqty, — dep habarlaıdy kaz.365info.kz tilshisi.
[caption id="attachment_219807" align="alignright" width="300"]
Nıdjat Rahımov[/caption]
Alǵashqy altyn medaldi aýyr atletıkadan 77 kelige deıingi salmaqta óner kósrsetken atletimiz Nıdjat Rahımov jeńip aldy. Julqa kóterý saıysyn 165 kelimen úshinshi orynda aıaqtaǵan jerlesimiz serpe kóterýde qarsylastaryn qapy qaldyra bildi. Alǵashqy múmkindiginde 202 kelini baǵyndyrǵan Nıdjat, ekinshi múmkindiginde 214 keli salmaqty yrqyna kóndirdi. Sóıtip, Olımp shyńyna shyǵyp qana qoımaı, sonymen qatar álem jáne olımpıada rekordtaryn jańartty.
Sonymen, jarys qortyndysy boıynsha, ekinshi orynǵa London olıpıadasynyń chempıony, qytaılyq atlet Lúı Sáoszún at basyn tirese, qola júlde mysyrlyq ziltemirshi Muhammed Mahmudke (361 keli) buıyrdy.
[caption id="attachment_219813" align="alignright" width="300"]
Dmıtrıı Balandın[/caption]
Bul kúni bras ádisimen 200 metrge júzýde Azıa Oıyndarynyń úsh dúrkin chempıony Dmıtrıı Balandın Nıdjattyń jeńisin jalǵastyryp, qazaq eliniń qorjynyna ekinshi altyn júldeni saldy.
Qazaqstandyq sportshy 200 metr qashyqtyqty 2:07:46 ýaqytta júzip, birinshi orynǵa ıe boldy. Ekinshi oryndy amerıkalyq Djosh Preno (2:07.53) aldy. Al reseılik Anton Chýpkov (2:08.08) úshinshi oryndy qanaǵat tutty.
Al qanjyǵasyna 2 altyn, 2 kúmis, 3 qola medal baılaǵan Qazaqstan quramasy bes kúnniń qorytyndysy boıynsha11-shi orynǵa kóterildi.
