سارسەنبىگە كەلگەن ريو وليمپياداسىنىڭ بەسىنشى كۇنى قازاقستان ءۇشىن ءساتتى بولدى. قازاق ەلى كومانداسىنىڭ قورجىنى ەكى التىن جانە ءبىر كۇمىس مەدالمەن تولىقتى، — دەپ حابارلايدى kaz.365info.kz ءتىلشىسى.
[caption id="attachment_219807" align="alignright" width="300"]
نيدجات راحيموۆ[/caption]
العاشقى التىن مەدالدى اۋىر اتلەتيكادان 77 كەلىگە دەيىنگى سالماقتا ونەر كوسرسەتكەن اتلەتىمىز نيدجات راحيموۆ جەڭىپ الدى. جۇلقا كوتەرۋ سايىسىن 165 كەلىمەن ءۇشىنشى ورىندا اياقتاعان جەرلەسىمىز سەرپە كوتەرۋدە قارسىلاستارىن قاپى قالدىرا ءبىلدى. العاشقى مۇمكىندىگىندە 202 كەلىنى باعىندىرعان نيدجات، ەكىنشى مۇمكىندىگىندە 214 كەلى سالماقتى ىرقىنا كوندىردى. ءسويتىپ، وليمپ شىڭىنا شىعىپ قانا قويماي، سونىمەن قاتار الەم جانە وليمپيادا رەكوردتارىن جاڭارتتى.
سونىمەن، جارىس قورتىندىسى بويىنشا، ەكىنشى ورىنعا لوندون وليپياداسىنىڭ چەمپيونى، قىتايلىق اتلەت ليۋي سياوسزيۋن ات باسىن تىرەسە، قولا جۇلدە مىسىرلىق زىلتەمىرشى مۇحاممەد ماحمۇدكە (361 كەلى) بۇيىردى.
[caption id="attachment_219813" align="alignright" width="300"]
دميتريي بالاندين[/caption]
بۇل كۇنى براسس ادىسىمەن 200 مەترگە جۇزۋدە ازيا ويىندارىنىڭ ءۇش دۇركىن چەمپيونى دميتريي بالاندين نيدجاتتىڭ جەڭىسىن جالعاستىرىپ، قازاق ەلىنىڭ قورجىنىنا ەكىنشى التىن جۇلدەنى سالدى.
قازاقستاندىق سپورتشى 200 مەتر قاشىقتىقتى 2:07:46 ۋاقىتتا ءجۇزىپ، ءبىرىنشى ورىنعا يە بولدى. ەكىنشى ورىندى امەريكالىق دجوش پرەنو (2:07.53) الدى. ال رەسەيلىك انتون چۋپكوۆ (2:08.08) ءۇشىنشى ورىندى قاناعات تۇتتى.
ال قانجىعاسىنا 2 التىن، 2 كۇمىس، 3 قولا مەدال بايلاعان قازاقستان قۇراماسى بەس كۇننىڭ قورىتىندىسى بويىنشا11ء-شى ورىنعا كوتەرىلدى.
